अजब श्रीमंतीच्या गजब कहाणीतला पुण्यातील तिसरा नायक (?)
पुणे- येथील बहुचर्चित उद्योजक अविनाश भोसले यांस मुंबईतील सीबीआय विशेष न्यायालायाने 10 दिवसांची सीबीआय कोठडी सुनावली. आता त्यांचा मुक्काम आठ जूनपर्यंत सीबीआय कोठडीत असेल.सीबीआयने अविनाश भोसले यांना 26 मे रोजी पुण्यातून अटक केली होती. भोसले गत अनेक दिवसांपासून येस बँक व डीएचएफएल बँक घोटाळ्याप्रकरणी सीबीआयच्या रडारवर होते.
सीबीआयने डीएचएफल आणि येस बँक घोटाळ्याप्रकरणी अविनाश भोसलेंना अटक केली होती. सीबीआयने केलेली कारवाई बेकायदेशीर असल्याचा भोसलेचा दावा कोर्टाने फेटाळला आहे. तसेच सीबीआयला अविनाश भोसलेला मुंबईबाहेर नेण्यास मनाई कोर्टाने केली आहे.अटकेनंतर मुंबईतील सीबीआय कोर्टात त्यांना हजर करण्यात आले होते. सीबीआयने भोसलेची 10 दिवसांसाठी कोठडी मागितली होती. मात्र सीबीआयची कारवाई बेकायदेशीर असल्याचा दावा करत भोसलेच्या वकिलांनी कोठडीला विरोध केला होता. कोर्टाने हा दावा फेटाळला आहे.
सीबीआयने डीएचएफएल घोटाळ्याप्रकरणी अविनाश भोसलेवर ही कारवाई केली. भोसले याचे नाव येस बँक घोटाळाप्रकरणीही चर्चेत होते. या दोन्ही प्रकरणाची सीबीआयने चौकशी सुरू केली होती. शिवाय याप्रकरणी पुणे – मुंबई परिसरातील तब्बल 8 ठिकाणी छापेमारी केली होती. या छाप्यातून सीबीआयच्या हाती काही महत्त्वाचे धागेदोरे लागल्याचे समजते. त्यातूनच ही कारवाई करण्यात आली आहे.
रिक्षावाला ते ३ हेलिकॉप्टरचा मालक –अजब श्रीमंतीच्या गजब कहाणीतला पुण्यातील तिसरा नायक (?)
अविनाश भोसले हे इन्फ्रास्ट्रक्चर लिमिटेड या बांधकाम कंपनीचे मालक आहेत. त्यांचा जन्म संगमनेर येथे एका मध्यमवर्गीय कुटुंबात झाला. त्यांचे वडील निवृत्ती गणपत भोसले हे संगमनेर येथील सावर्जनिक बांधकाम विभागात कनिष्ठ अभियंता होते. रोजगाराच्या शोधात पुण्यात आलेल्या अविनाश भोसले यांनी रिक्षाचालक म्हणून सुरुवात केली होती. त्यानंतर त्यांनी बांधकाम क्षेत्रात उडी घेतली. रिक्षा चालक ते मोठे बांधकाम व्यावसायिक हा त्यांचा प्रवास थक्क करणारा आहे. त्यांच्याबद्दलच्या `सक्सेस स्टोरीज` नेहमीच सोशल मीडियात व्हायरल होत असतात.
याआधी जप्त झाली होती मालमत्ता
ईडीने याआधी अविनाश भोसले यांची ४० कोटी ३४ लाख रुपयांची मालमत्ता जप्त केली आहे. ईडीने आतापर्यंत अविनाश भोसले याच्यावर केलेली ही मोठी कारवाई आहे.
