अफगाणिस्तान आता पूर्णपणे तालिबानच्या ताब्यात आला आहे. तालिबान रविवारी काबूलमध्ये दाखल होताच अफगाणिस्तान सरकारने त्यांच्याशी करार करण्यास सहमती दर्शविली. सत्ता हस्तांतरणाची प्रक्रिया सुरु आहे. तालिबानच्या सूत्रांनी दिलेल्या माहितीनुसार, मुल्ला बरादर अंतरिम सरकारचे नेतृत्व करू शकतात.दरम्यान, राष्ट्रपती अशरफ गनी आणि उपराष्ट्रपती अमिरुल्लाह सालेह यांनी देश सोडला आहे. गनी यांच्याशी संबंधित सूत्रांनी सांगितले की ते अमेरिकेला जात आहे. तसेच काही तालिबान सूत्रांच्या माहितीनुसार, काबूल पोलिसांनी शरणागती पत्करण्यास सुरुवात केली आहे. ते आपले शस्त्र तालिबान्यांना देत आहे.
कोण आहे मुल्ला मुल्ला बरादर?
मुल्ला बरादार सध्या कतारमध्ये आहेत. सध्या ते कतारमधील दोहा येथील तालिबानच्या कार्यालयाचे राजकीय प्रमुख आहेत. राष्ट्रपती होण्यासाठी अनेक लोकांची नावे विचारात घेतली जात आहेत, परंतु त्यांचे नाव सर्वात वर आहे. तो अफगाणिस्तानातील तालिबानचा सहसंस्थापक आहे.
तालिबानचा काबुलच्या चार जिल्ह्यांवर कब्जा
तालिबानने काबुलच्या चार जिल्ह्यांवर कब्जा केला आहे. सारोबी, बगराम, पगमान आणि काराबाग. काबुलमधील नागरिक सांगत आहे की, लोक काबुलमधील घरांवर पांढरे तालिबानी झेंडे लावत आहेत.
काबुलच्या तुरुंगातून 5 हजार कैद्यांची केली सुटका
अफगाणिस्तान आता पूर्णपणे तालिबानच्या ताब्यात आले आहे. तालिबान रविवारी काबूलमध्ये दाखल होताच अफगाणिस्तान सरकारने त्यांच्याशी करार करण्यास सहमती दर्शविली आहे.
अफगाणिस्तान सरकारचे म्हणणे आहे की काबूलवर हल्ला न करण्यावरुन करार झाला आहे. तालिबान काबूलवर हल्ला करणार नाही. त्याचवेळी, तालिबानने असेही म्हटले आहे की त्यांना शांततेने हस्तांतरण हवे आहे.अफगाणिस्तानचे कार्यवाहक गृहमंत्री अब्दुल सत्तार मीरजकवाल यांनी एक निवेदन जारी केले आहे की तालिबान काबूलवर हल्ला करणार नाही. शांततेत हस्तांतरण होईल.
काही वेळापूर्वी काबूलमध्ये दाखल झाले तालिबान
अफगाणिस्तानची राजधानी काबूलमध्ये तालिबानने काही काळापूर्वीच प्रवेश केला होता. बगराम विमानतळासह काही भागावरही कब्जा केला होता. तालिबानचा दावा आहे की सध्या संपूर्ण अफगाणिस्तान इस्लामिक अमीरातच्या ताब्यात आहे. तसेच काबूलमधील परिस्थितीवर नजर ठेवणाऱ्या एका राजकीय कार्यकर्त्याचे म्हणणे आहे की तालिबान सुरक्षा चौक्यांवर कब्जा करत आहे.
तालिबानने सांगितले होते की काबूलमध्ये युद्ध नाही, तर शांततापूर्ण मार्गाने सत्ता मिळवण्यासाठी चर्चा सुरू आहे. असेही म्हटले जाते की काबूल एक मोठी राजधानी आणि शहरी क्षेत्र आहे. तालिबानला येथे शांततेने प्रवेश करायचा आहे. ते काबूलच्या सर्व लोकांच्या जीवनाच्या आणि मालमत्तेच्या सुरक्षिततेची हमी देत आहे. त्याचा कोणावर सूड घेण्याचा हेतू नाही आणि त्याने सर्वांना माफ केले आहे. त्याचवेळी, अफगाणिस्तानच्या सरकारी माध्यमांचे म्हणणे आहे की काबूलच्या अनेक भागात बंदुकीच्या गोळ्यांचे आवाज ऐकले गेले आहेत.
