पुणे- पद्मश्री आणि अनेक फिल्मफेअर अॅवार्ड विजेते ख्यातनाम अभिनेते ओम पुरी यांना ‘सलाम पुणे ‘ पुरस्कार जाहीर झाला आहे . या पुरस्काराची घोषणा आज सलाम पुणे चे अध्यक्ष शरद लोणकर आणि उपाध्यक्षा अभिनेत्री राधा सागर यांनी येथे केली. याच समारंभात भगवानदादांवरील ‘एक अलबेला ‘ या सिनेमाचा ही सलाम पुणे पुरस्काराने सन्मान केला जाणार आहे . अभिनेते ओम पुरी आणि एक अलबेला या चित्रपटाचे निर्माते दिग्दर्शक कलाकार या कार्यक्रमाला उपस्थित राहणार आहेत.
मंगळवार दिनांक १६ ऑगस्ट रोजी सायंकाळी साडेचार वाजता घोले रस्त्यावरील पंडित जवाहरलाल नेहरू सांस्कृतिक भवन येथे ज्येष्ठ सामाजिक कार्यकर्ते,विचारवंत , साहित्यिक यांच्या प्रमुख उपस्थितीत हा पुरस्कार प्रदान सोहळा होणार आहे . तत्पूर्वी देशभक्तीपर गीते आणि नृत्याच्या कार्यक्रमाचा देखील यात समावेश करण्यात येईल असेही त्यांनी सांगितले .या कार्यक्रमासाठी प्रवेश मूल्य नाही. मात्र प्रवेशासाठी निमंत्रणपत्रिका आवश्यक असणार आहे .
