धडाडीचे उद्योजक आणि सेवाव्रतींना‘शेठ चिमणलाल गोविंददास मेमोरिअल ट्रस्ट’गौरविणार
पुणे:
सचोटीने व्यवसायाचा आदर्श उभा करणारे पुण्यातील व्यापारी कै. शेठ चिमणलाल गोविंददास यांच्या स्मृतिप्रीत्यर्थ ‘शेठ चिमणलाल गोविंददास मेमोरिअल ट्रस्ट’च्या वतीने व्यापार व उद्योग क्षेत्रात सचोटीने व धडाडीने काम करणार्या दोन यशस्वी उद्योजकांना ‘उद्यमगौरव पुरस्कार’ तसेच आरोग्य व शैक्षणिक / सामाजिक क्षेत्रात कार्य करणार्या व्यक्ती/संस्थांना गौरविण्यात येणार आहे. दोन व्यक्ती किंवा संस्थांना ‘सेवागौरव पुरस्कार’ अशा चार पुरस्कारांनी गौरविण्यात येणार आहे. त्यासाठी अर्ज करण्याचे आवाहन करण्यात आले आहे. पुरस्कारांचे यंदाचे 17 वे वर्ष आहे. ही माहिती ‘शेठ चिमणलाल गोविंददास मेमोरिअल ट्रस्ट’चे प्रमुख विश्वस्त मोहन गुजराथी यांनी पत्रकार परिषदेत दिली.
या पुरस्कारांसाठी महाराष्ट्रभरातून अर्ज मागविण्यात येणार आहेत. अर्जाची मुदत दिनांक 15 जून 2015 पर्यंत आहे. महाराष्ट्रभरातून मिळविण्यात आलेल्या माहिती व अर्जांमधून पुरस्कारासाठी पात्र व्यक्ती व संस्था यांची निवड होते.
हा पुरस्कार वितरण सोहळा रविवार, दिनांक 5 जुलै 2015 रोजी होणार आहे. ‘उद्यम गौरव पुरस्कार’ आणि ‘सेवागौरव पुरस्कारा’चे स्वरूप प्रत्येकी 15 हजार रूपये, प्रशस्तिपत्रक व स्मृति चिन्ह असे आहे.
या पुरस्कारासाठी ‘प्रबोध समूह’ 1070 शुक्रवार पेठ, सुभाषनगर, गल्ली क्र.5, पुणे 411 002 या पत्त्यावर अर्ज पाठवावेत असे आवाहन करण्यात आले आहे.
अधिक माहितीसाठी : 020 24481501, 24481502 या दुरध्वनी क्रमांकावर संपर्क साधावा.
