मुंबई-
मराठी वृत्तपत्र लेखक संघ मुंबई च्या वतीने घेण्यात आलेल्या ४४ व्या राज्यस्तरीय दिवाळी अंक स्पर्धेचा निकाल नुकताच घोषित करण्यात आला असून का र मित्र स्मृती सर्वोत्कृष्ट अंक म्हणून शब्ददीप (पुणे) या अंकाची निवड करण्यात आली आहे. त्याचप्रमाणे पु ल देशपांडे स्मृती उत्कृष्ट अंक पुण्यनगरी (कोल्हापूर), गणेश केळकर स्मृती उत्कृष्ट अंक रायगड माझा ( कर्जत), साने गुरुजी स्मृती उत्कुष्ट अंक उद्याचा मराठवाडा (नांदेड),प्रतापराव माने स्मृती उत्कृष्ट अंक मुंबई तरुण भारत (मुंबई), पांडुरंग रा भाटकर स्मृती उत्कृष्ट अंक कमलदूत (पुणे) या अंकांची तर तेजोमय (पुणे), मोहनगरी (पुणे),अक्षरभेट(मुंबई),वास्तव (मुंबई ),जीवनज्योत (मुंबई), लोकजागर (सातारा) या अंकांची उत्कृष्ट म्हणून तर मराठी सांस्कृतिक (अमेरिका),बदलते जग (कोल्हापूर),शब्दालय (श्रीरामपूर),मुक्तछंद (महाड),क्षत्रिय संजीवनी (मुंबई),संयम (भाईंदर ), जीवनज्योत (मुंबई), रानभरारी (शहापूर ठाणे), उत्सवप्रभा (मुंबई),कोकण मीडिया (रत्नागिरी),दीपस्तंभ (मुंबई), पृथा (पुणे) या अंकांची उल्लेखनीय अंक म्हणून निवड करण्यात आली आहे. गुरुवार दि. २२ ऑगस्ट २०१९ रोजी आयोजित करण्यात आलेल्या ७० व्या वृत्तपत्र लेखक दिनी सायंकाळी ५.३० वा रुसी मेहता हॉल, जनता सेवा केंद्र, ताडदेव,मुंबई सेंट्रल रेल्वे स्टेशन -पश्चिम जवळ येथे पारितोषिक होणार असल्याचे संघाध्यक्ष रवींद्र मालुसरे यांनी सांगितले आहे. या कार्यक्रमास दै नवशक्तीचे संपादक सुकृत खांडेकर आणि मुंबई मनपा स्थायी समितीचे अध्यक्ष यशवंत जाधव हे प्रमुख पाहुणे असणार आहेत. वृत्तपत्र लेखक,साहित्यिक,दिवाळी अंकांचे संपादक-प्रकाशकांनी या कार्यक्रमास उपस्थित राहावे असे आवाहन प्रमुख कार्यवाह प्रशांत घाडीगावकर यांनी केले आहे.
