मुंबई:
महायुतीमधील लक्षवेधी पक्ष ठरलेल्या ‘राष्ट्रीय समाज पक्षा’च्या फोर्ट परिसरातील नुतनीकृत कार्यालयाचे उद्घाटन पक्षाचे आमदार राहुल कुल यांच्या हस्ते मंगळवार दि. 13 जानेवारी रोजी सकाळी 11 वाजता होणार आहे. पक्षाचे संस्थापक, अध्यक्ष महादेव जानकर कार्यक्रमाच्या अध्यक्षस्थानी असणार आहे. 1/बी/35 हमाम स्ट्रीट, अंबालाल दोशी मार्ग, फोर्ट भागातील standard Charters bank समोर असलेल्या इमारतीमध्ये हे कार्यालय आहे. त्याचे नुतनीकरण करण्यात आले आहे, अशी माहिती प्रवक्ते दीपक बिडकर, युवक आघाडी अध्यक्ष राजू कोकरे, प्रदेश उपाध्यक्ष दशरथ राऊत यांनी दिली.
विधानसभा निवडणुकीत पक्षाने 5 जागा लढविल्या होत्या. त्यातील दौंड येथील जागेवर राहुल कुल यांनी विजय मिळविला. दोन ठिकाणी पक्षाचे उमेदवार दुसर्या स्थानावर राहिले. या सर्व उमेदवारांना देखील कार्यक्रमाला निमंत्रित करण्यात आले आहे