राष्ट्रीय एकता सेवा संघाच्यावतीने नवनिर्वाचित सर्व आमदारांचा सत्कार सोहळा संपन्न झाला . या कार्यक्रमात राज्याचे सामाजिक न्याय आणि आदिवासी विकास राज्यमंत्री दिलीप कांबळे , आमदार जगदीश मुळीक यांना पुणेरी पगडी घालून , शाल , श्रीफळ आणि पुष्पगुछ देऊन भव्य सत्कार करण्यात आला .
पुणे कॅम्पमधील कॅम्प एज्युकेशन सोसायटी शाळेच्या प्रांगणात या सत्कार सोहळ्याचे आयोजन करण्यात आले होते . या कार्यक्रमास प्रमुख पाहुणे शिक्षणमहर्षी प्रा. डॉ. विश्वनाथ कराड ,राज्याचे सामाजिक न्याय आणि आदिवासी विकास राज्यमंत्री दिलीप कांबळे , आमदार जगदीश मुळीक , कार्यक्रमाचे सयोजंक राष्ट्रीय एकता सेवा संघाचे अध्यक्ष जाकीर हुसेन कुरेशी, माजी कुलगुरू एस. एन. पठाण , भारतीय जनता पार्टीचे मानव अधिकार सेल महाराष्ट्र प्रदेश समन्वयक अड. रणजीत सांगळे , निवृत्त व्हाइस अडमिरल निझाम नदापह , महाराष्ट्र आणि गोवा बार कौन्सिलचे सदस्य अड. हाजी अहमद उस्मान पठाण, रवींद्र पोमण , माजी नगरसेवक मनीष साळुंके , माजी नगरसेवक गोपाळ चिंतल , डॉ. भरत वैरागे आदी मान्यवर उपस्थित होते .
यावेळी राज्याचे सामाजिक न्याय आणि आदिवासी राज्यमंत्री दिलीप कांबळे यांनी सांगितले ,सर्वसामान्यांना समान न्याय भारतीय जनता पार्टीची भूमिका असल्याचे सांगून भारताला सुजलाम सुफलाम बनविण्याचे आपले सर्वांचे प्रयत्न आहे . त्यासाठी सर्वांनी एकत्रित येणे गरजेचे आहे . त्यासाठी शेजारच्या राष्ट्रांशी मैत्रीचे संबंध करून जगाच्या व्यासपीठावर एकत्र आणतात . त्यात प्रामुख्याने काळा पैसा आणि दहशतवाद हे प्रश्न सोडविण्याचे आहे . राज्यातील वक्फ बोर्डांच्या जमिनी सोडविण्याचे काम सरकार करणार आहे . पुणे कॅंटोन्मेंट मधील प्रलंबित प्रश्न सोडविणार आहे असे त्यांनी सांगितले .
यावेळी शिक्षणमहर्षी प्रा. डॉ. विश्वनाथ कराड यांनी सांगितले कि , भारतीय संस्कृती हि संस्कृती आणि परंपरावर चालणारी आहे , भारत ते ज्ञानाचे मंदिर आहे . इस्लाम अर्थ शांती आहे . त्यामध्ये मोदी हे समर्थ भारताचे प्रतिक आहे . मुस्लिम बांधव पाच वेळा नमाज पढतात तेव्हा दिवसातून त्या धरतीला पाच वेळा आपला माथा या जमिनीला टेकवतात . त्यामुळे ते या धर्तीचे हक्कदार आहेत .
कार्यक्रमाचे सयोजंक राष्ट्रीय एकता सेवा संघाचे अध्यक्ष जाकीर हुसेन कुरेशी यांनी आपले मनोगत व्यक्त करताना सांगितले कि , राष्ट्रीय एकता सेवा संघ हा सर्व समाजाला एकत्रित बांधण्यासाठी काम करणारी संस्था आहे , त्यामाध्यमातून समाजातील नवनिर्वाचित आमदारांचा सत्कार करण्याचे आयोजन करण्यात आले .
या कार्यक्रमात उपस्थितांचे स्वागत कार्यक्रमाचे सयोजंक राष्ट्रीय एकता सेवा संघाचे अध्यक्ष जाकीर हुसेन कुरेशी यांनी केले तर सूत्रसंचालन आयेशा खान , असमा बेग व माजी नगरसेवक मनीष सालुंके यांनी केले तर आभार भारतीय जनता पार्टीचे मानव अधिकार सेल महाराष्ट्र प्रदेश समन्वयक अड. रणजीत सांगळे यांनी मानले . या कार्यक्रमाचे संयोजनासाठी जमेतुल कुरेश पुणे शहर अध्यक्ष हाजी शकील अहमद कुरेशी , हाजी हसन कुरेशी , हाजी अब्बास मौलाना कुरेशी , हाजी गफूर कुरेशी , हाजी कलाम कुरेशी , इक्बाल शेख , नितीन घुगे , अब्दुल अजीज कुरेशी , इक्तेदार कुरेशी , इर्शाद कुरेशी , अब्दुल अलीम चौधरी , प्रशांत टाईलवाले आदींनी विशेष परिश्रम घेतले .
