२२.९१ लाखांचा प्रतिबंधित गुटखा जप्त; दोन आरोपी अटकेत
पुणे | पुण्याचा प्रमुख गुटखा किंग कोण ? पोलीस छोटे मोठे छापे टाकून करोडोचा गुटखा पकडत असले तरीही गुटख्याची आणि गांजाची आयात कशी थांबत नाही? अंबरनाथचे गांजा कनेक्शन नेमके कसे कोणते आहे असे सवाल उपस्थित होत असताना आज पुन्हा असे सवाल उपस्थित होत असताना पुणे पोलिसांनी मोठी कारवाई करत गुजरात येथून पुण्यात विक्रीसाठी आणण्यात आलेला तब्बल २२ लाख ९१ हजार ५३४ रुपयांचा प्रतिबंधित गुटखा व तंबाखूजन्य पदार्थांचा साठा जप्त केला आहे. या प्रकरणी दोन आरोपींना अटक करण्यात आली असून त्यांच्याकडून मोठ्या प्रमाणात मुद्देमाल हस्तगत करण्यात आला आहे.
नऱ्हे पोलिस ठाण्याच्या तपास पथकाला मिळालेल्या गुप्त माहितीनुसार, नवले ब्रिज परिसरात ट्रॅव्हल्स बसची तपासणी करण्यात आली. यावेळी बसमधून प्रतिबंधित विमल पान मसाला, डी-1 तंबाखू, आरएमडी पान मसाला, तुलसी तंबाखू व गोवा गुटखा असा सुमारे ५.९० लाख रुपयांचा मुद्देमाल जप्त करण्यात आला.
तपासादरम्यान या मालाचा संबंध पुण्यातील गोदामाशी असल्याचे उघड झाले. त्यानंतर पोलिसांनी छापा टाकून आणखी १७ लाख रुपयांचा प्रतिबंधित माल जप्त केला. अशाप्रकारे एकूण २२.९१ लाख रुपयांचा मुद्देमाल हस्तगत करण्यात आला.
या प्रकरणी हयात मुबारक खान (रा. राजस्थान) आणि सोहेल अस्लम मुलाणी (रा. पुणे) यांना अटक करण्यात आली आहे. आरोपींविरुद्ध नऱ्हे पोलिस ठाण्यात गुन्हा दाखल करण्यात आला असून पुढील तपास सुरू आहे.
ही कारवाई पोलिस आयुक्तालयाच्या वरिष्ठ अधिकाऱ्यांच्या मार्गदर्शनाखाली नऱ्हे पोलिस ठाण्याच्या पथकाने केली.
न-हे पोलीस ठाणे पुणे शहर हद्दीत तपास पथक गस्त करीत असतांना पोलीस अमंलदार देवा चव्हाण यांना एका ट्रॅव्हल्स बस मधुन प्रतिबंधीत गुटखा विक्रीसाठी घेऊन जात असल्याची खबर प्राप्त झाली त्यानंतर वरिष्ठ पोलीस निरीक्षक श्रीमती वर्षा देशमुख, पोलीस निरीक्षक (गुन्हे), ईश्वर चव्हाण पोउपनिरी विजयसिंह घाडगे आणि तपास पथकाने सापळा रचुन नवले ब्रिज खाली ट्रॅव्हल्स बस थांबवुन तपासणी दरम्यान चालक हबास मुबारक खान वय ३४ वर्षे रा. जिल्हा बाडमेर, राज्य राजस्थान याचे ट्रॅव्हल्स बस मध्ये प्रतिबंधीत विमल पान मसाला, व्हि १ तंबाखु, आर एम डी पानमसाला, तुळसी तंबाखु, गोवा गुटखा असा एकुण ५,९०,८००/- रुपयेचा मुद्देमाल व माल घेणारा आरोपी सोहेल अस्लम मुलाणी वय २२ वर्षे रा.६६७, गंजपेठ पुणे यास ताब्यात घेऊन त्याचेकडे अधिक तपास करता केदारीनगर पुणे. येथे गोडाऊन मध्ये त्याने त्याचे स्वताःचे आर्थिक फायदाकरीता प्रतिबंधीत विमल पान मसाला, व्हि १ तंबाखु, आर एम डी पानमसाला, तुळसी तंबाखु, गोवा गुटखा असा १७,००,७३४ / मुद्देमाल ताब्यात मिळाला असुन सदचा प्रतिबंधीत माल हा अहमदाबाद येथुन खरेदी केल्याचे समक्ष सांगितले असल्याने त्यांचेवर नन्हे पोलीस स्टेशन गुन्हा रजि नं. ११४/२०२६ भा.न्या.सं.२०२३ चे कलम १२३, २२३, २७४, २७५, ३ (५) सिगारेट व अन्य तंबाखुजन्य उत्पादने (जाहिरात प्रतिबंध आणि व्यापार, वाणिज्य, उत्पादन, पुरवठा व वितरण याच विनियमन) अधिनियम सन २००३ चे कलम ७ (२),२० (२), अन्न सुरक्षा आणि मानके अधि. २००६ चेकलम २६ (२) (i) (iv) प्रमाणे गुन्हा दाखल करुन वरील दोन्ही आरोपीस अटक करण्यात आली आहे. दाखल गुन्हयाचा पुढील तपास पोलीस उप-निरीक्षक विजयसिंह घाडगे नऱ्हे पोलीस स्टेशन पुणे हे करीत आहेत.
सदरची कामगिरी अप्पर पोलीस आयुक्त, पश्चिम प्रादेशिक विभाग पुणे शहर राजेश बनसोडे, पोलीस उप-आयुक्त परीमंडळ ३, पुणे शहर सागर कवडे, सहा पोलीस आयुक्त, सिंहगडरोड विभाग पुणे शहर विजय कुंभार, वरिष्ठ पोलीस निरीक्षक श्रीमती वर्षा देशमुख पोलीस निरीक्षक (गुन्हे) ईश्वर चव्हाण यांचे मार्गदर्शनाखाली पोलीस उप-निरीक्षक विजयसिंह घाडगे, पोलीस उप-निरीक्षक, किरण लिटे, पोलीस अमंलदार देवा चव्हाण, सुनील चव्हाण, कार्तिक कोडे, प्रणिल मेस्त्री, सुमित जगताप, राजुतोरे, नितीन वाघमारे, निलेश भोरडे, यांचे पथकाने केली आहे.
