पुणे ः राष्ट्रीय कला अकादमी आणि चतुःशृंगी देवस्थान ट्रस्टच्या वतीने दीपावलीनिमित्त चतुःशृृंगी मंदिर परिसरात रांगोळी रेखांकन आणि दीपोत्सव करण्यात आला. हजारो पणत्यांनी मंदिराचा परिसर उजळून गेला होता. छत्रपती शिवाजी महाराज शिवलिंगाचे दर्शन घेत असल्याची त्रिमिती रांगोळी आणि जय मल्हार या रांगोळ्या भाविकांचे आकर्षण ठरले. आमदार माधुरी मिसाळ यांच्या हस्ते दीपोत्सवाचे उद्घाटन करण्यात आले. कला अकादमीचे अध्यक्ष मंदार रांजेकर, अमोल मारणे, सुभाष धडफळे, देवस्थान ट्रस्टचे अध्यक्ष सुभाष अनगळ, कार्यकारी विश्वस्त नंदकुमार अनगळ यांनी संयोजन केले. डॉ. नितीन उनकुले, मकरंद टि‘ू यांची प्रमुख उपस्थिती होती. दीपोत्सवाचे हे १४ वे वर्ष आहे.