डॉ. देगलूरकर, ठाकूर यांना श्री गुरुजी पुरस्कार जाहीर
पुणे,
रा.स्व. संघ जनकल्याण समितीतर्फे यंदाचा ‘परमपूजनीय गुरुजी पुरस्कार’ डॉ. गो. बं. देगलूरकर आणि ज्येष्ठ सामाजिक कार्यकर्त्या भारती ठाकूर यांना जाहीर करण्यात आला आहे. सन्मानपत्र, मानचिन्ह आणि एक लाख रुपये असे या पुरस्काराचे स्वरूप आहे.
जनकल्याण समितीचे महाराष्ट्र प्रांताचे अध्यक्ष डॉ. रवींद्र साताळकर यांनी ही माहिती दिली. साहित्य या गटासाठीचा पुरस्कार डॉ. देगलूरकर यांना तर सेवा या गटासाठीचा पुरस्कार भारती ठाकूर यांना प्रदान केला जाणार आहे.
भारतीय संस्कृतीचा श्रेष्ठ वारसा, मंदिरांचे कालजयी, विलोभनीय स्थापत्य तसेच मूर्तीशिल्प यांचे अलौकिकत्व या विषयावर डॉ. देगलूरकर यांनी संशोधन आणि लेखन केले आहे. अध्ययन, अध्यापन, संशोधन आणि लेखन या क्षेत्रात ते अनेक वर्षे सक‘ीय असून अनेक ‘यातनाम संस्थांमध्येही त्यांनी विविध पदांवर काम केले आहे.
मध्यप्रदेशातील निमार अभ्युदय रुरल मॅनेजमेंट ऍण्ड डेव्हलपमेंट असोसिएशन या संस्थेच्या संस्थापिका, ज्येष्ठ सामाजिक कार्यकर्त्या लेखिका अशी भारती ठाकूर यांची ओळख आहे. निमाड भागात त्यांनी सुरू केलेल्या शाळांमध्ये हजारो विद्यार्थी शिक्षण घेत आहेत. ग‘ामीण भागात उद्योगांचे प्रशिक्षण, वसतिगृहे, गोशाळा, शिवणकेंद्र या माध्यमातून त्यांनी स्थानिक तरूणांना प्रशिक्षण व रोजगार उपलब्ध करून दिला आहे.
पुरस्कार प्रदान समारंभ रविवारी, ३ मार्च रोजी नांदेड येथे होणार असून शिक्षा संस्कृती उत्थान न्यासाचे राष्ट्रीय सचिव अतुल कोठारी यांची यावेळी प्रमुख उपस्थिती असेल.