होतकरू व गुणी खेळाडू विवेक जामदार ला क्रिकेट साहित्य भेट… कोथरूड नवरात्र संपन्न.
मोबाईलच्या जमान्यात मैदानी खेळांना प्रोत्साहन देणे ही काळाची गरज – संदीप खर्डेकर.
पुणे-रोझरी शाळेत आठवीत शिकणारा व कोथरूडच्या आझादनगर भागात राहणारा विवेक जामदार हा अत्यंत गुणी खेळाडू असून क्रिकेट आणि फुटबॉल ह्या दोन्ही खेळात त्याने मिळविलेले प्रावीण्य व बक्षीसे कौतुकास्पद आहेत,त्याला क्रिकेट ह्या खेळात प्रगती करता यावी यासाठी त्याला क्रिएटिव्ह फौंडेशन आणि चॅंपियन स्पोर्ट्स चे अमित मदान यांच्या सहकार्याने संपूर्ण कीट भेट देण्यात येत आहे असे क्रिएटिव्ह फौंडेशनचे अध्यक्ष संदीप खर्डेकर म्हणाले.क्रिएटिव्ह फौंडेशन आणि कै विश्वनाथ भेलके प्रतिष्ठान आयोजित कोथरूड नवरात्र उत्सवाचा समारोप कोजागिरी पौर्णिमा निमित्त दांडिया,दुग्धपान आणि गरजूंना मदत अश्या प्रकारच्या कार्यक्रमानी करण्यात आला.यावेळी नगरसेविका मंजुश्री खर्डेकर,विशाल भेलके,उमेश भेलके,सुरेश जपे इ मान्यवर उपस्थित होते.मोबाईलच्या जमान्यात मुले सोशल मीडियात गुंतले असताना विवेक मैदानी खेळात उत्तम करियर करत आहे याचा सर्वांनी आदर्श घ्यावा आणि अश्या गुणी खेळाडूना सर्वतोपरी प्रोत्साहन द्यावे व आवश्यक मदत करावी असे ही संदीप खर्डेकर म्हणाले.
या कार्यक्रमाने नवरात्र महोत्सवाचा समारोप झाला.