पुणे- ‘सकाळ ‘ ने चव्हाट्यावर आणलेल्या ‘देवदूत ‘ नावाच्या बकासुर घोटाळ्यात .. महापौरांचा सहभाग असल्याचा दाट संशय येतो म्हणून त्यांनी राजीनामा द्यावा अशी मागणी महापालिकेतील विरोधी पक्षनेते दिलीप बराटे यांनी केली आहे. आज बराटे यांनी ..महापालिका भवनाच्या पायऱ्यावर आंदोलन करताना माध्यमांच्या पुढे बोलताना केली आणि नंतर हि त्यांनी याबाबत आपली हि भूमिका एका व्हिडिओ द्वारे मध्यम प्रतिनिधींपर्यंत पोहोचवली .
गेली काही दिवसांपासून पुण्यातील सकाळ या वृत्तपत्राने ,’देवदूत च्या नावे महापालिकेकडून 81 लाखांच्या वाहनांची 11 कोटींना खरेदी’झाल्याचे वृत्त आणि त्याचा पाठपुरावा करण्याचे काम सुरु ठेवले आहे . देवदूत नावाने आपत्ती व्यवस्थापन कक्षाने खरेदी केलेली हि यंत्रणा अगर सुरु केलेली हि यंत्रणा प्रत्यक्षात २०१६ साली मंजूर करण्यात आली असेही म्हटले आहे .आणि नंतर या यंत्रणेत आणखी वाहने घ्यावीत असे आयुक्तांना दिलेले महापौरांचे पत्र हि सकाळ प्रसिद्ध केलेले आहे . या प्राश्वभूमिवर राष्ट्रवादीचे माजी उपमहापौर आणि विद्यमान विपक्ष नेते बराटे यांनी आज महापौरांच्या राजीनाम्याची मागणी केली आहे .पहा बराटे यांनी काय म्हटले आहे …
तत्पूर्वी नेमके काय म्हटले आहे सकाळ च्या बातमीत ते पुढे पहा …
महापालिकेच्या “देवदूत’ योजनेतील एका वाहनाची किंमत (शोरूम प्राइज) आजघडीला साडेतेरा लाख रुपये आहे. परंतु, हेच वाहन महापालिकेने दोन वर्षांपूर्वी तब्बल 1 कोटी 84 लाखांत खरेदी केल्याच्या नोंदी सापडल्या आहेत. महापालिकेने एका वाहनासाठी मोजलेली किंमत ही कंपनीच्या दरपत्रकाच्या (कोटेशन) प्रमाणात तेरापट अधिक असल्याचे स्पष्ट झाले आहे. अशा प्रकारची 81 लाखांची वाहने 11 कोटी 41 लाखांत घेण्यात आली आहेत. या किमतीत वाहने खरेदीचा प्रस्ताव मांडून तत्कालीन महापालिका आयुक्त कुणाल कुमार यांनी तो मंजूर करून घेतला.
महापालिकेने खरेदी केलेल्या वाहनाची कंपनी, वाहनाची क्षमता, त्यातील सेवा-सुविधा याची माहिती घेऊन वरिष्ठ “आरटीओ’ अधिकाऱ्यांनी
संबंधित कंपनीकडे शहानिशा केली, तेव्हा महापालिकेतील पदाधिकारी व अधिकाऱ्यांनी वाहनांच्या किमती फुगवून दाखविल्याचे दिसून आले आहे.
आपत्ती निवारणाच्या “देवदूत’साठी महापालिकेने 1 कोटी 83 लाख 97 हजार रुपयांचे एक अशी सहा वाहने 11 कोटी 41 लाखांत खरेदी केली आहेत.
ती चालविण्यासाठी महापालिकेने ठेकेदाराला 42 कोटी मोजले. ही योजना महागडी असल्याच्या खर्चाच्या तपशिलावरून उघड होताच त्यातील गैरव्यवहार “सकाळ’ने उघडकीस आणला. त्यापलीकडे जाऊन योजनेचा प्रस्ताव, स्थायी समितीचा ठराव आणि त्यातील वाहनाच्या किमतीची कागदपत्रे तपासली असता, मूळ वाहनच तेरापट जादा दराने घेतल्याचे स्पष्ट झाले आहे. आपत्ती नियंत्रणासाठीची रचना असल्याने ही वाहने खरेदी केल्याचा दावा महापालिकेच्या आपत्ती व्यवस्थापन विभागाचे प्रमुख गणेश सोनुने यांचा आहे. मात्र, वाहनाची रचना आणि यंत्रसाम्रगी आम्हीच बसविल्याचा दावा ठेकेदाराचे अधिकारी करीत आहेत. त्यामुळेच महापालिका एका वाहनासाठी महिन्याला दहा लाख रुपये देते, असे सांगून ठेकेदारानेही महापालिकेचा खोटेपणा उघड केला आहे.
‘वाहनाचे मॉडेल आणि त्याच्या स्पेसिफिकेशननुसार साडेतेरा लाख रुपये किंमत आहे. या कंपनीच्या अशा वाहनांची किंमत 22 लाखांपेक्षा अधिक नाही.”
– प्रादेशिक परिवहन विभाग
वाहन खरेदीचा प्रस्ताव मंजूर 27 डिसेंबर 2016
एकूण वाहने खरेदी सहा
एका वाहनाची क्षमता 17 सीटर
शोरूम प्राइज 13 लाख 50 हजार
महापालिकेने दाखविलेली किंमत 1 कोटी 84 लाख