स्वस्त धान्य अपीलावरील निर्णय हा गुणवत्तेला अनुसरून – गिरीश बापट
पुणे-
बीड जिल्ह्रयातील मुरंबी (ता. अंबेजोगाई ) येथील स्वस्त धान्य दुकान अपीलावरील निर्णय हा गुणवत्तेला (मेरीट) ला अनुसरून घेण्यात आला होता. मा. उच्च न्यायालयाच्या निकाला संदर्भात शासन स्तरावरून कायदेशीर सल्ला घेवून या बाबत पुढील निर्णय घेण्यात येणार आहे. अशी माहिती अन्न व नागरी पुरवठा मंत्री गिरीश बापट यांनी दिली.
बीड जिल्हयातील मुरंबी ( ता. अंबेजोगाई) येथील स्वस्त धान्य दुकानाचे मालक श्री बिभिषण नामदेव माने यांच्या अपीलावरील निर्णयात शासनाने घेतलेला निर्णय हा शासनाकडे आलेल्या माहिती व पुराव्याच्या आधारावर घेण्यात आला आहे. शासनाकडे प्राप्त अपीला वरील निर्णय हा गुणवत्तेला अनुसरून व उपलब्ध कागदपत्रावरून आधारेच घेण्यात येत असतो. शासनाला अपीलाचे अर्धन्यायिक अधिकार आहेत. त्यानुसारच हा निर्णय घेण्यात आला. मा. उच्च न्यायालयाच्या निकालाचा अभ्यास करून पुढील काळात या प्रकरणा संदर्भात कायदेशी सल्ला घेवून कार्यवाही करण्यात येणार आहे. अशी माहिती मंत्री गिरीश बापट यांनी दिली.