पुण्यातील कॉंग्रेसच्या कार्यकर्त्यांनी लावले माथ्याला हाथ: म्हणाले , हे काय राहुल गांधींना देणार साथ ? यांचा तर आहे भाजपच्या हातात हाथ …
पुणे- गाडगीळ -ढेरे यांच्या हातून कॉंग्रेसचे नेतृत्व निसटल्यानंतर कलमाडींनी पवारांना पाठ दाखविल्यानंतर आणि कलमाडी युगाचा अंत झाल्यावर पुण्यातील कॉंग्रेसचे नेतृत्व कोणाकडे यावर गेली कित्येक वर्षे चर्चा झाली . हर्षवर्धन पाटलांकडे नेतृत्व जाता जाता हर्षवर्धन पाटीलच भाजपात गेले .त्यानंतर विश्वजित कदम यांच्याकडे मोठ्या आशेने पाहिले गेले. पण पडण्याच्याच हेतूने कदम लोकसभा लढले .राहुल गांधी पुण्यात आले तेव्हा त्यांना पुण्याचे मतदार नसलेल्या आपल्या भारती विद्यापीठाच्या महाराष्ट्राच्या बाहेरील राज्यांतून आलेल्या विद्यार्थ्यांसमोर नेले. ना कार्यकर्त्यांपुढे राहुल यांना नेले ना पत्रकारांपुढे ना जनतेसमोर राहुल यांना नेले . नवी पिढी हीच उद्याचा भारत आहे असे सांगत राहुल यांचा अशा पद्धतीने पुण्याचा दौरा निष्कारणी लावण्यात आला.
हेच विश्वजित कदम आता थेट भाजपचे नेते देवेंद्र फडणवीस यांच्या पाया पडल्याचे दृश्य अनेकांनी पाहिले आहे. माध्यमांच्या नजरेतून ते अखेरीस वाचू शकलेले नाही . आपल्या एका कार्यक्रमाला कदमांनी शरद पवार आणि देवेंद्र फडणवीस यांना बोलाविले होते दोघे आले देखील .. आणि गाडीतून फडणवीस उतरताच त्यांच्या पायाला वाकून नमस्कार विश्वजित कदमांनी केल्याने सर्वानांच आश्चर्याचा झटका बसला . कदम भाजपा पुढे नांगी टाकून आहेत अशा चर्चा यापूर्वी होत्याच . पण ते एवढे झुकतील असे कोणालाही वाटले नव्हते . अखेरीस त्यांचा मुखवटा समोर आला? का कदम एवढे झुकले ? हे कॉंग्रेसला आणि राहुल गांधींच्या खरोखर हाथाला हाथ देऊ शक्तीला काय ? एक ना अनेक प्रश्न , राहुल गांधी यांच्या जवळचे नेते म्हणून उल्लेख केला जाणाऱ्या विश्वजित कदमांच्या बाबत उपस्थित होत होते. दिवंगत माजी मंत्री डॉ. पतंगराव कदम यांच्या ७९ व्या जयंतीनिमित्त भारती सुपरस्पेशालिटी हॉस्पिटल आणि स्टुडंटस हौसिंग कॉम्प्लेक्सचा उदघाटन समारंभ पुण्यात आयोजित करण्यात आला होता. या कार्यक्रमादरम्यान काँग्रेस नेते विश्वजीत कदमांचा उपमुख्यमंत्री देवेंद्र फडणवीसांना वाकून नमस्कार करतानाचा व्हिडीओ व्हायरल होत होता .
