हेरगिरी प्रकरणावर काँग्रेस नेते राहुल गांधी आक्रमक
नवी दिल्ली -देशातील विरोधी पक्ष नेते, अधिकारी, न्यायाधीश, पत्रकार आणि कार्यकर्त्यांच्या हेरगिरीविरूद्ध विरोधी पक्ष संसदेत सरकारला घेराव घालत आहेत. त्याचवेळी बुधवारी कॉंग्रेस नेते राहुल गांधी यांनी संसदेबाहेर या विषयावर पत्रकार परिषद घेतली. ते म्हणाले की हेगगिरीसाठी पेगाससचा वापर हा भारताविरूद्ध देशद्रोह आहे. भारताचे संपूर्ण विरोधीपक्ष येथे उभे आहेत. प्रत्येक पक्षाचे नेते येथे आहेत. संसदेत आमचा आवाज दाबला जात असल्याने आम्हाला आज येथे यावे लागले.
राहुल म्हणाले- आमचा फक्त एकच प्रश्न आहे. भारत सरकारने पेगासस विकत घेतले का, हो किंवा नाही? भारत सरकारने पेगासस शस्त्राचा आपल्या लोकांवर वापर केला?हो किंवा नाही? आम्हाला हे जाणून घ्यायचे आहे. सरकारने म्हटले आहे की संसदेत पेगाससवर कोणतीही चर्चा होणार नाही. स्पष्टपणे सरकारने काहीतरी चुकीचे केले आहे, सरकारने असे काहीतरी केले जे देशासाठी धोकादायक आहे. अन्यथा त्यांनी चर्चा करायचे सांगितले असतील.
दहशतवादी-देशद्रोह्यांऐवजी सर्वसामान्यांची हेरगिरी
आमच्याबद्दल असे म्हटले जाते की आम्ही संसदेची कार्यवाही चालू देत नाही. विरोधी पक्षातील सर्व नेते आपल्या सांगतील की, आमच्या सरकारकडून काय मागण्यात आहेत. अतिरेकी आणि देशद्रोही यांच्याविरूद्ध जे शस्त्र वापरायला हवे, नरेंद्र मोदींनी ते भारतीय संस्था आणि लोकशाहीविरूद्ध का वापरले?
आत्ता पेगाससवर बोललो नाही तर मुद्दा संपून जाईल
आम्हाला संसदेमध्ये या विषयावरच बोलायचे आहे. जर आम्ही असे म्हटले की, आम्ही आता पेगाससबद्दल बोलणार नाही तर हा मुद्दा संपेल. आमच्यासाठी ही राष्ट्रवादाची बाब आहे. हे राष्ट्रविरोधी काम आहे. नरेंद्र मोदी जी आणि अमित शाह जी यांनी देशाच्या आत्म्याला दुखावले आहे. आम्हाला हे जाणून घ्यायचे आहे की सरकारने याचा वापर केला का? आणि कोणाकोणाविरोधात याचा वापर केला?
माझ्याविरूद्ध, सुप्रीम कोर्टाविरुद्ध, प्रेसविरूद्ध हेरगिरी झाली
राहुल म्हणाले- आम्हाला पेगाससवर चर्चा हवी आहे. पेगाससवर चर्चा करण्यास सरकार नकार देत आहे. राहुल यांनी प्रश्न उपस्थित केला- मला देशातील तरुणांकडून जाणून घ्यायचे आहे की, नरेंद्र मोदींनी तुमच्या मोबाइलवर एक शस्त्र टाकले आहे. हे शस्त्र माझ्या विरोधात, सर्वोच्च न्यायालयाविरोधात, पत्रकारांच्या विरोधात, कार्यकर्त्यांविरूद्ध वापरले गेले. मग हे काय कारण आहे की यावर सभागृहात चर्चा होत नाही.
