पुणे- भाजपाच्या नगरसेविका कालिंदाताई पुंडे यांच्या प्रयत्नातून वानवडी येथे साकारण्यात आलेल्या क्रांतिसूर्य महात्मा फुले पुर्णाकृती पुतळ्याचे अनावरण आणि सावित्री माई फुले डायलेसिस सेंटर चे लोकार्पण आज येथे भाजपचे प्रदेश अध्यक्ष आमदार चंद्रकांत पाटील यांच्या हस्ते संपन्न झाले . महेश पुंडे, नगरसेवक धनराज घोगरे , संदीप खर्डेकर , योगेश टिळेकर आदी मान्यवर यावेळी उपस्थित होते .
यावेळी बोलताना आमदार पाटील म्हणाले , मुगल येण्यापूर्वी आपण शिक्षित होतो ,बहुजनांचे शिक्षण कोणी थांबविले ? मुगल महिलांना उचलून नेतील या भीतीने त्यांना घरातून बाहेर पडू दिले गेले नाही , मुगलांनंतरही आपण ते विसरलो आणि महात्मा फुले व सावित्री माई नी नंतर हे ओळखून स्त्रियांना आपला हक्क दिला पारतंत्र्यातून बाहेर आणण्याचे काम केले . ज्यामुळे आज स्त्रिया लोकप्रतिनिधी अधिकारी अशा सर्व स्तरावर दिसू लागल्या . त्यांचे ऋण कधीही विसरले जाणार नाही
