रस्ते अपघातात मृत्युमुखी पडलेल्यांना श्रद्धांजली
पुणे- रस्ते अपघात टाळावेत या साठी प्रत्येकाने जे जे शक्य आहे ते ते केले पाहिजे , अपघात होऊ नये तो झालाच तर त्यात जी जी मदत करणे शक्य आहे त्याहून पलीकडे जाऊन मदत केली पाहिजे असा सूर उमटवत आज रस्ते अपघातातील मृत्युमुखीना श्रद्धांजली वाहण्यात आली.
रस्ते अपघातात जगभरात मृत्यूमुखी पडलेल्या नागरीकांना श्रद्धांजली म्हणून जगभर २१नोव्हेबर हा दीवस जागतिक ‘स्मरणदीन’ म्हणून पाळला जातो प्रादेशिक परिवहन अधिकारी अजित शिंदे यांच्या मार्गदर्शनाखाली स्वारगेट जेधे चौक या ठीकाणी रांगोळी काढून जनजागृती करण्यात आली. कार्यक्रमाचे आयोजन महाराष्ट्र राज्य मोटार ड्रायव्हिंग स्कूल मालक असोसिएशन चे पुणे जिल्हाध्यक्ष एकनाथ ढोले यांनी केले होते. या प्रसंगी रेडिओ मिर्ची फेम आर.जे. बंड्या, उप प्रादेशिक अधिकारी संजीव भोर , संजय ससाणे हे उपस्थित होते व त्यांनी रिक्षा चालक व वाहतूक दारांना मार्गदर्शन केले. व मेणबत्ती पेटवून रस्ते अपघातातील मृत्युमुखी पडलेल्या नागरिकांना श्रद्धांजली अर्पण करण्यात आली. या प्रसंगी ए आर टी ओ अमर देसाई,युवराज पाटील व मोटार वाहन निरीक्षक क्षितिज व्यवहारे,ज्येष्ठ कार्यकर्ते विठ्ठल मेहता,अनिल खेमनार, विलास वडीतके, स्वारगेट वाहतुकशाखेचे सागर गरुड, संतोष झगडे, पंकज आनंदपुरे,माळी, दत्तात्रय घुले, संदीप ढेरंगे,राहुल केवटे इत्यादी उपस्थित होते आभार प्रदर्शन एकनाथ ढोले यांनी केले.सूत्रसंचालन ज्येष्ठ कार्यकर्ते विठ्ठल मेहता यांनी केले .
