चित्तरंजन वाटिका, अय्यंगार योगा इऩ्स्टीट्यूट, रेंज हिल आदी ठिकाणी घेतल्या नागरिकांच्या भेटीगाठी
पुणे : राष्ट्रीय स्वयंसेवक संघाच्या स्थापना दिनानिमित्त शहरात मंगळवारी झालेल्या संचलनात भारतीय जनता पक्ष, शिवसेना, आरपीआय (A), रासप, शिवसंग्राम, रयतक्रांती महायुतीचे शिवाजीनगर मतदार संघाचे अधिकृत उमेदवार सिद्धार्थ शिरोळे यांनी देखील सहभाग घेतला. पुणे महानगराच्या विद्यापीठ भागातील शिवाजीनगर परिसर आयोजित संचालनात सिद्धार्थ शिरोळे हे पूर्ण गणवेषासह सहभागी झाले होते.
दस-याच्या दिवशी सकाळी सात वाजता तानाजी वाडी येथील खाशाबा जाधव शाळेपासून संचलनाला सुरुवात झाली. शिवाजी बसस्थानक, इराणी वस्ती, पीएमसी कॉलनी, मुंबई पुणे महामार्ग या मागावरून पार पडलेल्या या संचलनात तब्बल २५० स्वयंसेवक सहभागी झाले होते. नगराचे संघचालक डॉ. अविनाश वाचासुंदर, अनिल शिरोळे, विद्यापीठ भागाचे सहकार्यवाह संजय एडके, जनता सहकारी बँकेचे संचालक बीरू खोमणे, सुभाष जेऊर, दिलीप पळशीकर, राहुल भोर, सुधीर आल्हाट आदी देखील या वेळी सहभागी झाले होते.
विजयदशमीच्या निमित्ताने लॉ कॉलेज रस्त्यावरील भांडारकर प्राच्च विद्या संशोधन मंदिराच्या आवारात सिद्धार्थ शिरोळे यांच्या हस्ते वृक्षारोपण देखील करण्यात आले. नगरसेवक आदित्य माळवे, अशोक येनपुरे, योगेश बाचल, रवींद्र साळेगावकर, संदीप काळे, गणेश बगाडे व शैलेश बडदे आदी या वेळी उपस्थित होते. याशिवाय आज मॉडेल कॉलनी परिसरातील रमामणि अय्यंगार मेमोरियल योग इऩ्स्टीट्यूट आणि चित्तरंजन वाटिका या ठिकाणी देखील शिरोळे यांनी नागरिकांच्या भेटी घेतल्या. आज खडकी कॅन्टोन्मेंट बोर्डाच्या रेंज हिल भागातील प्रभाग ५ आणि ६ ठिकाणी देखील आज सिद्धार्थ शिरोळे यांची प्रचारफेरी पार पडली. या भागातील नागरिकांनी उत्साहाने सिद्धार्थ शिरोळे यांना औक्षण करीत त्यांचे स्वागत केले. उपस्थित नागरिकांनी आपल्या अपेक्षा यावेळी सिद्धार्थ शिरोळे यांना सांगितल्या. नगरसेविका कार्तिकी हिवरकर यांच्या बरोबर विशाल पिल्ले, मुकेश गवळी, बंडू कदम, सुरेंद्र भाटी, श्याम काची, अमर देशपांडे, संजय फेणसे आदी या प्रचारफेरी वेळी उपस्थित होते.
