- येत्या २ ऑगस्ट २०१९ रोजी रेव्ह. दादा जे. पी. वासवानी यांचा १०१ वा वाढदिवस.
- या वाढदिवसानिमित्त पुण्यातील साधू वासवानी मिशन येथे येत्या २७ जुलै ते २ ऑगस्ट २०१९ या काळात कार्यक्रम होणार, तसेच जगभरातील साधू वासवानी सेंटर्समध्येही वाढदिवस साजरा केला जाणार.
- रेव्ह. दादांचा वाढदिवस जागतिक क्षमा दिन (ग्लोबल फरगिव्हनेस डे) म्हणून तर त्या दिवशी दुपारी दोन ही शांतिक्षण (मोमेंट ऑफ काम) – सर्वांना क्षमा करण्याची वेळ म्हणून पाळली जाणार.
पुणे-रेव्ह. दादा जे. पी. वासवानी यांचा १०१ वा वाढदिवस सेवा, कीर्तने, भजने व रेव्ह. दादा आणि गुरूदेव साधू वासवानी यांची ध्वनिमुद्रित प्रवचने आदी विविध कार्यक्रमांनी साजरा केला जाणार आहे. याची सुरवात २७ जुलै रोजी वंचित बालकांसाठी दादा मेळा या मोफत गंमत-जत्रेच्या आयोजनाने होणार आहे. पुढच्या दिवशी म्हणजे २८ जुलैला अखंड महा मंत्र यज्ञाचे उद्घाटन होईल. हा यज्ञ अखंड १०१ तास चालून त्याची सांगता १ ऑगस्टला होईल.
रेव्ह. दादा हे क्षमाशीलतेचे भक्कम समर्थक होते. ते नेहमी म्हणत, “क्षमाशीलता आपल्या जीवनात शांती व आनंद आणते. ती आत्म्यात उफाळलेल्या संघर्षाचा शेवट घडवते आणि सहिष्णुता, जाणीव व समतोल यांच्या मदतीने आपल्याला आयुष्याला समोर जाण्यास शिकवते. ती प्रेम व सकारात्मकतेचा संदेश देते. ती हृदयातून सर्व नकारात्मकता, दुःख, संताप, रागीटपणा, वैर आदी दुर्गुणांचे समूळ उच्चाटन करते आणि आरोग्य व शांतीचा पुरस्कार करते. शांती ही ईश्वराचेच दुसरे नाव आहे त्यामुळे आपण क्षमाशीलता अनुसरतो तेव्हा ईश्वराचीच आपल्या अंतःकरणात प्रतिष्ठापना करतो.” रेव्ह. दादांच्या याच शिकवणुकीचा आदर व गहनता राखत साधू वासवानी मिशनने सन २०१२ मध्ये शांतिक्षण – जागतिक क्षमाशीलता क्षण हा उपक्रम सुरू केला. याअंतर्गत सर्वांनी २ ऑगस्ट रोजी दुपारी दोनला एकत्र येऊन सर्व दुःखे, राग, क्रोध व अपराधीपणा याला क्षमा करुन अंतःकरणात शांतीची लाट अनुभवायची असते. शांतीचा क्षण अनुभवणे हा या उपक्रमांपैकी एक ठरला आहे.
गुरूदेव साधू वासवानी आणि रेव्ह. दादा जे. पी. वासवानी यांनी लिहिलेल्या व सुरेश वाडकर, शंकर महादेवन्, मीता शहा आणि संजीव अभ्यंकर यांनी गायलेल्या गीतांची सीडी या कार्यक्रमात सादर केली जाणार आहे.
वैशिष्ट्ये :
शनिवार, २७ जुलै २०१९ :
- सकाळी नऊ ते दुपारी तीन : वंचित बालकांसाठी दादा मेळा
रविवार, २८ जुलै २०१९ :
- सकाळी सव्वाआठ – हवन व अखंड महामंत्र यज्ञाचे उद्घाटन
- सायंकाळी पावणेसात ते आठ – सत्संग, गुरूदेव साधू वासवानी यांचा उपदेश व रेव्ह. दादा जे. पी. वासवानी यांचा उपदेश
बुधवार, ३१ जुलै २०१९ :
- सायंकाळी पावणेसात ते आठ – भजन, कीर्तन, गुरूदेव साधू वासवानी यांचा उपदेश व रेव्ह. दादा जे. पी. वासवानी यांचे जीवन व शिकवणुकीच्या झलकी
गुरूवार, १ ऑगस्ट २०१९ :
- दुपारी बारा ते दीड – अखंड महा मंत्र कीर्तन यज्ञाची सांगता
- सायंकाळी साडेसहा ते आठ – रेव्ह. दादा जे. पी. वासवानी यांचे सेट युअरसेल्फ फ्री हे इंग्रजीतील प्रेरणात्मक भाषण
शुक्रवार, २ ऑगस्ट २०१९ :
- सकाळी साडेसात ते सव्वाआठ – १०९ हवने व १०८ गायत्री मंत्र पठणे
- सकाळी साडेदहा – दरिद्र नारायण सेवा
- दुपारी बारा ते सव्वादोन – भजन, कीर्तन, सेवा, रेव्ह. दादा जे. पी. वासवानींचे रुह-रिहान, द मोमेंट ऑफ काम व नंतर लंगर
- सायंकाळी साडेसहा ते आठ – भजन, कीर्तन, गुरूदेव साधू वासवानींचा उपदेश व रेव्ह. दादा जे. पी. वासवानींचा उपदेश
- रात्री साडेदहा ते मध्यरात्री बारा – व्हिजिल
या कार्यक्रमांना नामवंत पाहुणे उपस्थित राहतील. सर्व कार्यक्रम सर्वांसाठी खुले आहेत.
रेव्ह. दादा जे. पी. वासवानींबद्दल :
मी कुणाचाही गुरू नाही, पण शिष्य मात्र सर्वांचा आहे, या शब्दांत साधू वासवानी मिशनचे आध्यात्मिक प्रमुख रेव्ह. दादा जे. पी. वासवानी स्वतःचा परिचय करुन देत.
दादा हे मानवतेचे चित्र, आवाज नसलेल्यांचे देवदूत, महिलांच्या हक्कांचे पुरस्कर्ते, उत्कृष्ट शिक्षणतज्ज्ञ व अनेक जीवांचे तारणहार होते. त्यांचा जन्म २ ऑगस्ट १९१८ रोजी झाला. ते मानवतेचे, करुणेचे व प्रेमाचे प्रतिक ठरले.
दादांच्या अखंड प्रयत्नांतून त्यांचे गुरू साधू टी. एल. वासवानी यांच्या ध्येय उद्दिष्ट्य व शिकवणुकीने सेवा, शिक्षण, आरोग्य-सुरक्षा, आध्यात्मिकता आदीं उपक्रमांच्या माध्यमातून पुढे पाऊल टाकले.
दादा हे आदर्श शिष्यत्वाचे आदर्श उदाहरण म्हणून नेहमीच ओळखले जातील. ते नेहमीच निस्वार्थी, दाता व खराखुरा परहितदक्ष म्हणून जीवन जगले.
