पुणे-अठरावा आयसीएसआय नॅशनल एवॉर्ड्स फॉर एक्सलन्स इन कॉर्पोरेट गव्हर्नन्स आणि तिसरा आयसीएसआय सीएसआर एक्सलन्स एवॉर्ड्स सीएसआर सर्वोत्तमतेतील बेस्ट गव्हर्नन्ड कंपन्या आणि बेस्ट कंपन्यांना इन्स्टिट्यूट ऑफ कंपनी सेक्रेटरीज ऑफ इंडिया (आयसीएसआय)ने आज मुंबईत आयोजित केलेल्या दिमाखदार सोहळ्यात प्रदान करण्यात आले. या कार्यक्रमात संस्थेच्या रौप्यमहोत्सवी वर्षाचा समारोपही करण्यात आला.
डॉ. मोहन कौल, अध्यक्ष, इंडिया प्रोफेशनल्स फोरम, ब्रिटन आणि श्री. जी. एन. बाजपाई, माजी अध्यक्ष सेबी हे या कार्यक्रमाचे अध्यक्ष होते आणि माननीय पाहुण्यांनी विजेत्यांना पुरस्कार प्रदान केले.
प्रतिष्ठेचा आयसीएसआय लाइफटाइम एचिव्हमेंट एवॉर्ड श्री. अदी गोदरेज, अध्यक्ष, गोदरेज ग्रुप यांना कॉर्पोरेट गव्हर्नन्समधील सर्वोत्तमता सत्यात उतरवण्यासाठी देण्यात आला.
आयसीएसआय आयसीएसआय नॅशनल एवॉर्ड्स फॉर एक्सलन्स इन कॉर्पोरेट गव्हर्नन्ससाठीचा पुरस्कार सर्वोत्तम गव्हर्न्ड कंपन्या म्हणून सिप्ला लिमिटेड आणि डाबर इंडिया लिमिटेड यांना देण्यात आला आणि इतर पाच कंपन्यांना गौरव प्रमाणपत्रे प्रदान करण्यात आली. (इंग्रजी आद्याक्षरांच्या क्रमाने)
1) एसीसी लिमिटेड
2) हिंदुस्तान युनिलिव्हर लिमिटेड
3) इंडियन ऑइल कॉर्पोरेशन लिमिटेड
4) टाटा मेटॅलिक्स लिमिटेड
5) दि इंडियन हॉटेल्स कंपनी लिमिटेड
कॉर्पोरेट सोशल रिस्पॉन्सिबिलिटीची संकल्पना (सीएसआर) जिची मुळे परोपकारी सेवांमध्ये आहेत, ती संकल्पना आता सामाजिक, नैतिक आणि पर्यावरणीय परिस्थितीमुळे वेगाने बदलू लागली आहे आणि त्याच पार्श्वभूमीवर तिसऱ्या आयसीएसआय सीएसआर एक्सलन्स एवॉर्ड्समधून भारतभरातील कंपन्यांकडून चांगल्या कॉर्पोरेट जबाबदारीचे वातावरण निर्माण करून कायम राखल्याचा गौरव केला जातो.
तिसरा आयसीएसआय सीएसआर एक्सलन्स एवॉर्ड्स खालील कंपन्यांना देण्यात आले.
1) जीएमआर हैदराबाद इंटरनॅशनल एअरपोर्ट लिमिटेड (उगवती वर्गवारी)
2) टाटा पॉवर कंपनी लिमिटेड (मध्यम वर्गवारी)
3) अंबुजा सिमेंट्स लिमिटेड (मोठी वर्गवारी)
वाणिज्य आणि उद्योग आणि नागरी हवाईउड्डाण मंत्री श्री सुरेश प्रभू यांनी इन्स्टिट्यूट ऑफ कंपनी सेक्रेटरीज ऑफ इंडियाचे अठरावा आयसीएसआय नॅशनल एवॉर्ड्स फॉर एक्सलन्स इन कॉर्पोरेट गव्हर्नन्स आणि तिसरा आयसीएसआय सीएसआर एक्सलन्स एवॉर्ड्स आयोजित केल्याबाबत अभिनंदन केले. ते म्हणाले की, भारतातील कॉर्पोरेट कंपन्या जागतिक दर्जाचे पालन करताना जागतिक समुदायाचा विश्वासही प्राप्त करत आहेत याची खातरजमा आयसीएसआय करेल.
ते पुढे म्हणाले की, कॉर्पोरेट गव्हर्नन्स हे पब्लिक गव्हर्नन्सइतकेच महत्त्वाचे आहे आणि खरेतर कधीकधी ते जास्त महत्त्वाचे ठरते. कॉर्पोरट कंपन्या भारताची अर्थव्यवस्था, समाज तसेच देशाला आकार देण्यासाठी महत्त्वाची भूमिका बजावतील. कॉर्पोरेट कंपन्यांना जागतिक दर्जाचे पालन करणाऱ्या अधिक विश्वासू, आत्मविश्वास जागृत करणाऱ्या कंपन्य म्हणून स्थापित करण्यात कंपनी सेक्रेटरींची भूमिका अत्यंत महत्त्वाची आहे. त्यांनी आशा व्यक्त केली की कंपनी सचिव अशा पद्धतीने आपली कर्तव्ये पार पाडतील की हा पुढे जाऊन जगातील सर्वाधिक आवडीचा व्यवसाय ठरेल.
सन्माननीय उपस्थितांशी संवाद साधताना, डॉ. मोहन कौल, अध्यक्ष, इंडिया प्रोफेशनल फोरम, ब्रिटन म्हणाले की, भारतातील व्यावसायिकांची भारत आणि यूकेमधील एक चांगली भागीदारी कायम राखण्यासाठी एक महत्त्वाची भूमिका हे. जीएसटीसारखी क्रांती भारतात घडून येत असताना, जगभरातील व्यावसायिक भारताकडे विविध विभागांमधील भागीदारीसाठी आशेने पाहतील यात शंका नाही. ते तसे करत असताना कंपनी सचिवांनी आघाडीवर येऊन अशा भागीदारी सत्यात उतरवण्यासाठी आणि पार पाडण्यासाठी मदत केली पाहिजे.
श्री. जी. एन बाजपाई, माजी अध्यक्ष, सिक्युरिटीज अँड एक्स्चेंज बोर्ड ऑफ इंडिया यांनी आयसीएसआयचे चांगल्या कॉर्पोरेट गव्हर्नन्स पद्धतींना चालना देण्यासाठीच्या अथक प्रयत्नांसाठी आणि कॉर्पोरेट कंपन्यांकडून असलेल्या नियामकांच्या अपेक्षांच्या पूर्ततेत लक्ष घालण्यासाठी अभिनंदन केले.
सीएस मकरंद लेले, अध्यक्ष, आयसीएसआय यांनी प्रास्ताविक केले आणि ते म्हणाले की, कॅडबरी कमिटी रिपोर्टच्या पार्श्वभूमीवर कॉर्पोरेट गव्हर्नन्सच्या विषयावर चर्चा सुरू करणाऱ्या भारतातील पहिल्या व्यावसायिक कंपन्यांपैकी एक आयसीएसआय असून त्यांनी भारतात कॉर्पोरेट क्षेत्रात चांगल्या गव्हर्नन्सची जबाबदारी अनेक पावले उचलून घेतली आहे. चांगल्या कॉर्पोरेट गव्हर्नन्सला चालना देणाऱ्या इन्स्टिट्यूटच्या महत्त्वाच्या उपक्रमांपैकी एक म्हणजे आयसीएसआय नॅशनल एवॉर्ड फॉर एक्सलन्स इन कॉर्पोरेट गव्हर्नन्स असून त्याची स्थापना २००१ साली कॉर्पोरेट क्षेत्रात चांगल्या गव्हर्नन्स पद्धतींना चालना देण्यासाठी आणि सवलत देण्यासाठी पात्र असलेल्या कंपन्यांना ओळखण्यासाठी झाली होती. त्यांनी संस्थेच्या प्रयत्नांची व्याप्ती जागतिक पातळीवर नेण्याच्या प्रयत्नांवर तसेच चांगल्या गव्हर्नन्स पद्धतींना मोठ्या उत्साहात आणि चांगल्या पद्धतीने वाढवण्यावर भर दिला.
सीएस अशोक कुमार दीक्षित, ऑफिशिएटिंग सेक्रेटरी, आयसीएसआय यांनी आभार मानले आणि सांगितले की, रौप्य महोत्सवी वर्षाचा समारोप समारंभ हा इन्स्टिट्यूट ऑफ कंपनी सेक्रेटरीज ऑफ इंडियाच्या चांगल्या कॉर्पोरेट प्रशासनाला चालना देण्याच्या अथक प्रयत्नांचा पुरावा आहे.
