पुणे-पुण्यातील नऱ्हेगाव याठिकाणी राहणाऱ्या तरुणाने काेराेना काळात आर्थिक अडचणींमुळे दाेन जणांकडून प्रतिमहिना 10 आणि 8 टक्के व्याजदाराने 10 लाख रुपये उसने घेतले हाेते. मात्र, सदर पैशांची व्याजासह परतफेड करुनही आणखी दहा लाखांची खंडणी मागितल्या प्रकरणी दाेन जणांना गुन्हे शाखेच्या खंडणी विराेधी पथकाने अटक केली आहे.
अतुल निवृत्ती भूमकर या 33 वर्षीय तरुणाने राहुल बाळकृष्ण काेंढरे (वय 42, आंबेगाव बुद्रुक, पुणे) व विजय गणपत कुंभारकर (38, रा. धायरी, पुणे) अशी याप्रकरणी अटक करण्यात आलेल्या आराेपींची नावे आहे. याबाबत आराेपींवर भारती विद्यापीठ पाेलीस ठाण्यात गुन्हा दाखल करण्यात आला आहे. सदर प्रकार 1 जून 2019 ते 23 ऑगस्ट यादरम्यान घडला आहे.
मुद्दल-व्याज देऊनही 10 लाखांची मागणी
तक्रारदार अतुल भुमकर यास आर्थिक अडचण आल्याने त्याने राहुल काेंढरे यांच्याकडून पाच लाख रुपये दहा टक्के प्रति महिना व्याजदराने घेतले हाेते. तर विजय कुंभारकर यांच्याकडून पाच लाख रुपये प्रति महिना 8 टक्के व्याजदाराने घेतले हाेते. त्यापैकी राहुल काेंढरे यांना चार लाख 80 हजार रुपये व मुद्दल दाेन लाख रुपये परतफेड करण्यात आली हाेती. विजय कुंभारकर यांना 8 टक्के व्याजदाराने प्रति महिना 40 हजार रुपयांप्रमाणे 5 लाख रुपये तसेच व्याज म्हणून एक लाख 57 हजार रुपयांचे स्टील व मुद्दल तीन लाख रुपये घेतले.
खंडणी विराेधी पथकाकडे तक्रार
मात्र पैसे परत दिल्या नंतरही आराेपी राहुल काेंढरे व विजय कुंभारकर हे तक्रारदार यांच्याकडे प्रत्येकी पाच लाख रुपयांची अवाजवी मागणी करत हाेते. तक्रारदाराने यास नकार दिल्याने आराेपींनी त्याच्या घरात शिरुन त्यास शिवीगाळ व मारहाण करुन जीवे ठार मारण्याची धमकी दिली. आणखी दहा लाख रुपयाची दाेघांनी मागणी केल्याने यबाबत तक्रारदार यांनी खंडणी विराेधी पथकाकडे जाऊन तक्रार दिल्याने दाेन्ही आराेपींना पाेलिसांनी अटक केली. यबााबत पुढील तपास खंडणी विराेधी पथक-2 चे पाेलीस उपनिरीक्षक एस. जाधव करत आहे.
