शिवतीर्थनगर पौडरोड येथील श्री गणेश मंदिरामध्ये त्रिपुरारी पौर्णिमेनिमित्त दीपोत्सव साजरा
गजानन महाराजांचे 30 फूट उंच 18 फुट रूंद पुष्प रांगोळी चित्र ठरले लक्षवेधक
पुणे :
शिवतीर्थ नगर, पौडरोड येथील श्री गणेश मंदिरामध्ये आज सायंकाळी त्रिपुरारी पौर्णिमा साजरी करण्यात आली. गेली 16 वर्षे या उपक्रमाचे मंदीरात आयोजन केले जाते. त्रिपूरारी पोर्णिमेनिमित्त श्रीकांत गोरे (वय 76) यांनी काढलेल्या गजानन महाराजांचे 30 फूट उंच 18 फुट रूंद पुष्प रांगोळी चित्राभोवती पणत्या लावून दीपोत्सव साजरा करण्यात आला.
या उपक्रमास शशिकांत सुतार, उत्सव प्रमुख पृथ्वीराज सुतार यांचे सहकार्य लाभले. यावेळी व्यवस्थापक आनंदा अंबरडेकर, मधुकर शिंदे, आनंद फडके, ओमकार गहुले, मिलिंद आंब्रे सहभागी झाले होते.
संस्थापक माजी मंत्री शशिकांत सुतार यांनी 26 वर्षांपुर्वी खासदार निधीतून बांधलेल्या या श्री गणेश मंदिरामध्ये अनेक धार्मिक उपक्रमांचे आयोजन केले जाते. पेशाने इंजिनिअर असलेले श्रीकांत गोरे (वय 76) समाजकार्याची आवड म्हणून पौड रोड येथे गेली 15 वर्षे विद्यार्थ्यांना चित्रकलेचे मोफत प्रशिक्षण देत आहेत.
दरवर्षी श्रीकांत गोरे संत, देव देवता यांची चित्रे काढतात. यंदाच्या वर्षी त्यांनी श्री गजानन महाराज ( शेगाव) यांची पुष्प रांगोळी काढली. ही रांगोळी अतिशय लक्षवेधक होती. महिला , नागरिक मोठ्या संख्येने या दीपोत्सवात सहभागी झाले होते.
—————————— —————————— ———