पुणे-कसबा असो किंवा चिंचवड या दोन्ही ठिकाणी शिवसेना पूर्ण ताकदीने महाविकास आघाडीचे काम करण्यासाठी तयार आहे. त्यामुळे आपला विजय निश्चित आहे. आज जनमत, सर्व्हे हे भाजप विरोधात जात असल्यानेच त्यांच्यावर केंद्रातील नेते याठिकाणी प्रचाराला आणण्याची वेळ आली असल्याची टीका पुणे जिल्हा शिवसेना संपर्कप्रमुख सचिन अहिर यांनी केली.
महाविकास आघाडीचे उमेदवार रवींद्र धंगेकर यांच्या प्रचारानिमित्त गुप्ते मंगल कार्यालयात आयोजित शिवसेना पदाधिकाऱ्यांच्या बैठकीत सचिन अहिर बोलत होते. याप्रसंगी महिला आघाडीच्या संपर्क संघटिका तृष्णा विश्वासराव, शहरप्रमुख संजय मोरे, गजानन थरकुडे, विजय देशमुख, पृथ्वीराज सुतार, समीर तुपे, गजानन पंडित, आनंद गोयल, विशाल धनवडे, पल्लवी जावळे, बाळासाहेब मालुसरे, रामभाऊ पारीख, युवासेनेचे राम थरकुडे, सनी गवते, काँग्रेसचे नेते मोहन जोशी यांच्यासह अन्य पदाधिकारी उपस्थित होते.
सचिन अहिर म्हणाले, ‘ही निवडणूक महाविकास आघाडी या नात्याने आपल्याला जिंकायची आहे. नागरिकांचा प्रचंड प्रतिसाद पाहता कसबा मतदारसंघात बदल शक्य आहे. महाविकास आघाडी म्हणून धंगेकर यांना निवडून आणण्यासाठी आपल्याला प्रयत्न करायचे आहेत. ही आघाडी केवळ विधानसभेपुरती नाही. ही निवडणूक अटीतटीची असून, आपल्याला प्रत्येक बूथमध्ये काम करून विजय निश्चित करायचा आहे.’
तृष्णा विश्वासराव म्हणाल्या, ‘कसबा मतदारसंघात आपला महाविकास आघाडीचा आमदार झाला पाहिजे. यासाठी सर्व शिवसैनिक प्रयत्न करतील. येत्या पालिका निवडणुकीत आपले शिवसेनेचे अधिकाधिक नगरसेवक निवडून येतील,’ असा विश्वास त्यांनी व्यक्त केला.
यावेळी रवींद्र धंगेकर, संजय मोरे, विशाल धनवडे, ज्येष्ठ शिवसैनिक विजय ठकार यांचीही भाषणे झाली.
डॉ. बाबा आढाव यांची धंगेकर यांनी भेट घेऊन घेतले आशीर्वाद
रवींद्र धंगेकर यांनी आज ज्येष्ठ नेते व समाजसेवक डॉ. बाबा आढाव यांची घरी जाऊन सदिच्छा भेट व आशीर्वाद घेतले. त्यांच्यासोबत महाराष्ट्र कॉंग्रेस कमिटीचे सरचिटणीस वीरेंद्र किराड आणि महाराष्ट्र प्रदेश कॉंग्रेस कमिटीचे सरचिटणीस संजय बालगुडे होते. सध्या परीस्थित रवींद्र धंगेकर निवडून येणे गरजेचे आहे. त्यांना सर्व स्तरातून पाठींबा आहे, आमचाही पाठिंबा आहे. अनेक नागरी प्रश्न आहेत की जे धंगेकर सोडवतील असा आम्हाला विश्वास आहे. असे या प्रसंगी बाबा आढाव म्हणाले. त्यांनी यावेळी मतदार संघातील अनेक प्रश्नांचा उल्लेख केला. ‘या प्रत्येक प्रश्न लक्ष घालून ते सोडवण्याचा मी प्रयत्न नक्की करेन’ अशी खात्री रवींद्र धंगेकर यांनी यावेळी त्यांना दिली. याप्रसंगी हमाल पंचायतचे सरचिटणीस गोरख मेंगडे, उपाध्यक्ष दत्तात्रय डोंबाळे, व्यवस्थापक हुसेन पठाण, सहचिटणीस विनोद शिंदे, संघटक संदीप मारणे, रिक्षा पंचायतीचे व्यवस्थापक रांजणे, राहुल नागावकर, टेम्पो पंचायतीचे सरचिटणीस संपत सुकाळे, पथारी व्यावसायिक पंचायतीचे सरचिटणीस मोहन चिंचकर, महिला अध्यक्षा नीलम अय्यर, महात्मा फुले समता प्रतिष्ठानचे उपाध्यक्ष मोहन वाडेकर, सहसचिव ओंकार मोरे आदी उपस्थित होते.
