पुणे – पुण्याच्या मार्केट यार्ड परिसरातून मुंबईच्या एका ठेकेदाराचे आणि त्याच्या दोघा सहकाऱ्यांचे अपहरण करून ५० लाखाची खंडणी मागणाऱ्या टोळीतील तिघांना अवघ्या काही तासातच पकडून अपहरण झालेल्या तिघांची सुटका पोलिसांनी केली आहे. आणि आता फरार झालेल्या दोघांच्या मागावर पोलीस आहेत .
या संदर्भात पोलिसांनी माध्यमांना दिलेली माहिती अशी कि,’ मुंबईतील कॉन्ट्रेक्टर यांचे पुण्यातुन अपहरण करणा-या आरोपीना काही तासांत गुन्हे शाखा, पुणे यांनी एल. सी. बी. अहमनदनगर यांचे मदतीने केले जेरंबद केले आहे. .दिनांक १३/१/२०२३ रोजी खबर देणार यांनी मार्केडयार्ड पोलीस स्टेशन पुणे येथे कळवले की, त्यांचा भाऊ व इतर दोन इसम यांचे दिंनाक १२/०१/२०२३ रोजी दुपारी मार्केटयार्ड पुणे परिसरातुन अज्ञात लोकांनी अपहरण करुन त्याचे सुटकेसाठी ५०,००,०००/- रु. खंडणी मागणी करुन रक्कम न दिल्यास त्यांना जिवे मारुन टाकण्यात येईल अशा प्रकारे फोनव्दारे कळविले होते.सदर माहिती वरिष्ठ पोलीस निरीक्षक मार्केडयार्ड पोलीस स्टेशन पुणे यांनी अमोल झेंडे, पोलीस उपआयुक्त, गुन्हे शाखा यांना माहिती दिली. सदर घटनेबाबत अधिक माहिती घेतली असता आरोपीनी मार्केडयार्ड पुणे या भागातुन ३ कॉन्ट्रॅक्टर त्यांचे अपहरण केले असल्याचे सांगीतले.यातील आरोपी हे अपहरण केलेल्या व्यक्तीच्या मोबाईलवरुन फिर्यादी व त्यांचे भाऊ यांस संपर्क साधून अपहरित व्यक्तींचे सुटकेसाठी ५० लाख रु. मागणी करीत होते. तसेच व्हॉटअॅपव्दारे व्हिडीओ कॉल करुन मारहाण करीत असलेबाबत फिर्यादींनी सांगीतले होते. याबाबत गुन्हे शाखेचे अपर पोलीस आयुक्त रामनाथ पोकळे,पोलीस उप आयुक्त अमोल झेंडे यांनी घटनेचे गांर्भीर्य लक्षात घेवुन, गुन्हे शाखेची ५ पथके तयार केली होती. त्यानुसार सिसिटीव्ही तपासणी व तांत्रीक विष्लेषन करुन आरोपींचे शोधासाठी गुन्हे शाखेकडील पथके रवाना केली होती. पुणे ग्रामीण व अहमदनगर जिल्हयात आरोपी असलेचे निष्पन्न झाल्याने स्थानिक गुन्हे शाखा अहमदनगर व पुणे ग्रामीण यांचेशी संपर्क साधुन आरोपीतांचा शोध घेणेबाबत कळविले होते. सदर माहिती वरुन काष्टी श्रीगोंदा जि. अहमदनगर येथुन अपहरण झालेल्या ३ व्यक्तींची सुटका करुन आरोपी नामे १) प्रविण शिखरे २) विजय खराडे ३) विशाल मदने रा. अहमदनगर यांना लॉजवरुन ताब्यात घेण्यात आले आहे. इतर ५ ते ६ आरोपी पसार झालेआहेत.त्यांचा शोध् घेण्यात येत आहे. त्यांचेकडुन अपहरण करण्यासाठी वापरण्यात आलेली फॉरच्युनरव क्रेटा कार हि वाहने ताब्यात घेण्यात आलेली आहेत. सदर प्रकरणी मार्केटयार्ड पोलीस स्टेशन पुणे येथे गुन्हा दाखल करण्याची कार्यवाही चालु आहे गुन्हा दाखल करून पुढील तपास करण्यात येतआहे.सदरची कामगिरी पोलीस आयुक्त रितेश कुमार, पोलीस सह आयुक्त संदिप कर्णिक,अपर पोलीस आयुक्त (गुन्हे) रामनाथ पोकळे, पोलीस उप-आयुक्त, गुन्हे, अमोल झेंडे, सहायक पोलीस आयुक्त गुन्हे श्री गजानन टोम्पे यांचे मार्गदर्शनाखाली पोलीसनिरीक्षक, क्रांतीकुमार पाटील, सुनिल पंधरकर, अजय वाघमारे, सपोनि विकास जाधव, सपोनि विशाल मोहिते, सपोनि कृष्णा बाबर, पोउपनि मोहन जाधव, अविनाश लोहोटे व गुन्हे शाखा पुणेकडील पथकात नेमण्यात आलेल्या अंमलदार यांनी केलेली आहे
