युक्रेनचे अध्यक्ष वलोडिमिर जेलेंस्की यांनी अमेरिका आणि नाटो देशांकडून युद्धात मदतीची आशा व्यक्त केली होती, परंतु अमेरिकेचे अध्यक्ष जो बायडेन यांनी युक्रेनमध्ये सैन्य पाठवण्यास नकार दिला आहे. दरम्यान, राष्ट्राध्यक्ष वलोडिमिर जेलेंस्की यांनी आपली वेदना व्यक्त केली. ते म्हणाले की, जगाने आपल्याला युद्धात लढण्यासाठी एकटे सोडले आहे.
त्यांनी सांगितले की ते कीवमध्ये आहेत आणि रशियन सैन्य तेथे दाखल झाले आहे. या रशियनांचे पहिले टार्गेट तेच स्वतः असून दुसरे टार्गेट त्यांचे कुटुंब असल्याचेही त्यांनी सांगितले.
युक्रेन स्वबळावर युद्ध लढेल – वलोडिमिर जेलेंस्की
यूक्रेनचे राष्ट्राध्यक्ष वलोडिमिर जेलेंस्की यांनी रशिया हल्ल्याच्या पहिल्या दिवशीच्या अखेरीस राष्ट्राच्या नावावर एक व्हिडिओ संबोधनात घोषणा केली की, ‘आपल्याला आपल्या राज्याची संरक्षणासाठी एकटे सोडण्यात आले आहे.’ युक्रेन आता रशियाशी स्वबळावर युद्ध लढणार आहे. ते म्हणाले, ‘आपल्यासोबत लढायला कोण तयार आहे? मला कोणी दिसत नाही. युक्रेनला नाटो सदस्यत्वाची हमी देण्यास कोण तयार आहे? सगळे घाबरले आहेत.’
जेलेंस्की म्हणाले, ‘सीमेवर तैनात युक्रेनच्या सैन्याने ज्मीनई बेटाचे रक्षण करताना आपले शौर्य दाखवले. ते शहीद झाले, परंतु त्यांनी रशियन सैन्याला शरणागती पत्करली नाही. दुर्दैवाने, आज आम्ही आमच्या 137 वीरांसह 10 लष्करी अधिकारी गमावले आहेत. या सर्वांना मरणोत्तर हिरो ऑफ युक्रेन ही पदवी प्रदान करण्यात येणार आहे. युक्रेनसाठी ज्यांनी आपले प्राण दिले त्यांना नेहमी लक्षात ठेवले जाईल.
रशियाने युक्रेनला लक्ष्य क्रमांक-1 म्हणून चिन्हित केले आहे
युक्रेनच्या राष्ट्राध्यक्षांनी सांगितले की, रशियन सैन्याने कीवमध्ये प्रवेश केल्यानंतर खूप विनाश आणि तोडफोड केली, परंतु त्यांनी आपल्या नागरिकांना सतर्क राहण्याचे आणि कर्फ्यूचे पालन करण्याचे आवाहन केले आहे.. जेलेंस्की म्हणाले, ‘मी राजधानीत राहतो, माझे कुटुंब देखील युक्रेनमध्ये आहे, माझी मुले युक्रेनमध्ये आहेत. माझे कुटुंब देशद्रोही नाही, ते युक्रेनचे नागरिक आहेत. ते नेमके कुठे आहेत, हे सांगण्याचा मला अधिकार नाही. आमच्याकडे असलेल्या माहितीनुसार, शत्रूने मला लक्ष्य क्रमांक 1, माझ्या कुटुंबाला लक्ष्य क्रमांक 2 असे मार्क केले आहे.
दुसऱ्या दिवशीही युक्रेन स्फोटांनी हैराण
दुस-या दिवशीही रशियाने युक्रेनला बॉम्बस्फोट करून हैराण केले आहे. शुक्रवारी सकाळी युक्रेनची राजधानी कीवमध्ये अनेक स्फोटांचे आवाज ऐकू आले. युक्रेनचे राष्ट्राध्यक्ष वोलोडिमिर जेलेंस्की यांनी संपूर्ण सैन्याला युद्धात उतरवण्याची घोषणा केली. युक्रेनने दावा केला आहे की त्यांच्या सैन्याने 800 हून अधिक रशियन सैनिकांना ठार केले आहे. 30 रशियन टँक आणि 7 गुप्तचर विमानेही नष्ट करण्यात आली आहेत.
युक्रेन सरकारने 18 ते 60 वयोगटातील पुरुषांना देश सोडण्यास बंदी घातली आहे. युक्रेनने आपल्या 10,000 नागरिकांना लढाईसाठी रायफल दिल्याचे काही वृत्तांत सांगितले जात आहे.
युक्रेनवर रशियन हल्ल्याचा आज दुसरा दिवस आहे. गुरुवारी रशियाने देशभरात 200 हून अधिक हल्ले केले. सर्वच भागातील नागरिकांमध्ये भीती पसरली असून लाखो लोकांनी दिवस आणि रात्र भुयारी मार्ग, मेट्रो स्टेशन, भूमिगत आश्रयस्थानांमध्ये घालवली. अनेक ठिकाणी लोकांना जीवनावश्यक जीवनावश्यक वस्तूंचा तुटवडा जाणवत आहे.
युक्रेनची राजधानी कीव्हमध्ये सकाळपासून सात मोठे स्फोट झाले आहेत. शहरावर एकामागून एक क्षेपणास्त्रे हल्ले होत असून लोक घरात लपून बसले आहेत. खाण्यापिण्यापासून इतर जीवनावश्यक वस्तूंची टंचाई असतानाही लोक घराबाहेर पडत नाहीयेत. त्याचवेळी लिव्ह शहरात हवाई हल्ल्याचा सायरन झाला आहे. यानंतर येथील महापौरांनी लोकांना घरातच थांबण्यास सांगितले आहे. युक्रेनने दावा केला आहे की, त्यांच्या सैन्याने 800 हून अधिक रशियन सैनिकांना ठार केले आहे. 30 रशियन रणगाडे आणि 7 गुप्तचर विमानेही नष्ट करण्यात आली आहेत.
दरम्यान, रशियाचे सैन्य राजधानीत घुसल्याचा दावा युक्रेनचे अध्यक्ष झेलेन्स्की यांनी केला आहे. रशियन रणगाडे येथून फक्त 32 किमी अंतरावर असून त्यांना रोखण्यासाठी युक्रेनच्या लष्कराने तीन पूल उडवून दिले आहेत. येत्या 96 तासांत म्हणजेच 4 दिवसांत कीव्ह रशियाच्या ताब्यात जाईल, अशी भीती झेलेन्स्की यांनी व्यक्त केली आहे. ते म्हणाले की रशियन सैन्याने निवासी भागांना लक्ष्य केले असून त्यांनी रशियन नागरिकांना या युद्धाचा निषेध करण्याचे आवाहन केले आहे.
शुक्रवारी सकाळी युक्रेनचे अध्यक्ष झेलेन्स्की यांनीही एक निवेदन जारी केले. ते म्हणाले की, जगाने आपल्याला युद्धात लढण्यासाठी एकटे सोडले आहे. त्यांनी सांगितले की, ते कीव्हमध्ये आहेत आणि रशियन सैन्य तेथे दाखल झाले आहे. रशियाचे टार्गेट त्यांचे कुटुंब असल्याचेही त्यांनी सांगितले.
युक्रेनचे संपूर्ण सैन्य युद्धात उतरले
युक्रेन सरकारने 18 ते 60 वयोगटातील पुरुषांना देश सोडण्यास बंदी घातली आहे. युक्रेनने आपल्या 10,000 नागरिकांना लढाईसाठी रायफल दिल्याचे काही रिपोर्ट्समध्ये सांगण्यात आले आहे.
रशिया आणि युक्रेन युद्धाशी संबंधित महत्त्वाचे अपडेट…
- रशियाच्या हल्ल्यात आतापर्यंत 137 जणांचा मृत्यू झाला आहे, तर 316 जण जखमी झाले आहेत.
- अमेरिकेच्या अहवालानुसार, रशियाने युक्रेनवर एकूण 203 हल्ले केले, ज्यामध्ये 160 हल्ले क्षेपणास्त्रे आणि 83 जमिनीवर आधारित लक्ष्यांवर हल्ला करण्यात आला.
- रशियन सैन्याने युक्रेनच्या कोनोटोप शहराला वेढा घातला असून बाकीच्या सैन्याने राजधानी कीवच्या दिशेने आगेकूच केली.
