पुणे-संत तुकाराम महाराजां सोबत ज्यांनी टाळकरी म्हणून काम केलं , तुकाराम महाराजांचे अभंग व गाथा लिहण्याचे काम केले व पुढे लोकांसमोर आणून त्यातुन समाज प्रबोधनाचे महान कार्य केले ते थोर ” संत संताजी महाराज जगनाडे ” यांचे कार्य लोकां पुढे येण्यासाठी या उद्यानाचा उपयोग होईल …असे मत ज्येष्ठ कॉंग्रेस नेते उल्हास पवार यांनीयेथे व्यक्त केले.
प्रभाग क्र .19 पुणे महानगर पालिका हद्दीतील सेव्हन लवज चौक जवळील उड्डाण पूला चे खालील मोकळ्या जागेत , पुणे म.न. पा. चे वतीने नगरसेवक अविनाश बागवे , यांच्या निधीतून विकसित होत असलेल्या
” संत संताजी महाराज जगनाडे उद्यान ” भूमिपूजन समारंभात ते बोलत होते .शहर कॉंग्रेसचे अध्यक्ष रमेश बागवे, कॉंग्रेसचे ज्येष्ठ नगरसेवक आणि गटनेते आबा बागुल ,नगरसेवक विशाल धनवडे आदी मान्यवर यावेळी उपस्थित होते .
रमेश बागवे आपल्या भाषणात म्हणाले कि, या उद्यानाच्या माध्यमातून तिळवण तेली समाजाची पश्चिम महाराष्ट्रातील मोठया प्रमाणात अनेक वर्षा पासून होत असलेली मागणी आज पूर्ण होताना दिसत आहे यासाठी पुणे मनपा व सर्व पदाधिकारी, नगरसेवक या सर्वांचे त्यांनी आभार मानले .
या प्रसंगी शिवदास उबाळे,घनश्याम वाळुंजकर,शिवराज शेलार,विजय रत्नपारखी,Adv. राजेश येवले ,नामांकित आर्किटेक्ट अभिजित पन्हाळे , दत्तात्रय शेला, संजय जगनाडे ,जनार्दन जगनाडे,तसेच Adv. आनंद धोत्रे,इत्यादी मान्यवर व तिळवण तेली समाज बंधू भगिनी मोठ्या संख्येने उपस्थित होते. नियोजित उद्यानास श्री संत संताजी महाराज जगनाडे यांचे नाव देण्याबाबत पुणे महानगर पालिका यांचेकडे विजयकुमार शिंदे ( उपाध्यक्ष सुदुंबरे संस्थान व माजी अध्यक्ष पुणे तिळवण तेली समाज) यांनी प्रस्ताव सादर केला असून गेली तीन वर्ष सातत्याने पाठपुरावा केला असून त्याकामी, Adv. राजेश येवले ( मुख्य चिटणीस सुदुंबरे संस्थान) यांचेही त्यांना वेळोवेळी सहकार्य लाभले.
कार्यक्रम यशस्वी करण्यासाठी विठ्ठल थोरात, अरुण गायकवाड, दयानंद अडागळे, सुनील बावकर, मारुती कसबे, रोहित अवचित, सौ. सुरेखा खंडागळे व यासेरजी बागवे यांही विशेष परिश्रम घेतले.कार्यक्रमाचे प्रास्ताविक नगरसेवक अविनाश बागवे यांनी केले.विजयकुमार शिंदे यांनी आभार व्यक्त केले असून कार्यक्रमाचे सूत्रसंचालन रमेश भोज यांनी केले.
