मुंबई-नारकोटिक्स कंट्रोल ब्युरो (एनसीबी) ने रविवारी अभिनेता अरमान कोहलीला ड्रग्ज प्रकरणी अटक केली,कोहलीची शनिवारी त्याच्या घरातून कथितरीत्या बंदी घातलेली औषधे जप्त केल्यावर एनसीबीने त्याची चौकशी केली. कोहलीला एका दिवसासाठी एनसीबी कोठडीत पाठवण्यात आले.एनसीबीच्या टीमने रविवारी संध्याकाळी कोहलीच्या घरावर छापा टाकला आणि नंतर त्याला दक्षिण मुंबईतील एजन्सीच्या कार्यालयात नेले कारण त्याच्या घरी काही अंमली पदार्थ सापडले होते
कोहली यापूर्वीही सापडला आहे वादात
बिग बॉस शोमध्ये सहभागी झालेल्या अरमान कोहलीला उत्पादन शुल्क विभागाने अवैध दारू बाळगल्याप्रकरणी अटक केली होती. त्याच्या घरातून महागड्या स्कॉच व्हिस्कीच्या 41 बाटल्या जप्त करण्यात आल्या. नियमानुसार, कोणतीही व्यक्ती दारूच्या 12 पेक्षा जास्त बाटल्या घरी ठेवू शकत नाही.
मैत्रिणीला मारहाण केल्याचा आरोपही होता
याआधी जून 2018 मध्ये कोहलीवर त्याच्या लिव्ह-इन गर्लफ्रेंड नीरू रंधावाला अमानुषपणे मारहाण केल्याचा आरोप होता. या प्रकरणी पोलिसांनी त्याला अटक केली होती. त्याच्याविरुद्ध मुंबईतील वर्सोवा पोलीस स्टेशनमध्ये एका महिला फॅशन डिझायनरसोबत गैरवर्तन केल्याप्रकरणी गुन्हाही दाखल करण्यात आला होता. कोहली त्याच्या कारकिर्दीत तीन वेळा जेलच्या मागे गेला आहे.
