पुणे- कोरोनाच्या संकटात प्रभागातील नागरिकांकरिता नाना भानगिरे यांच्या प्रयत्नातून सुरु झालेला सेवाभावी दवाखाना नागरिकांचा आधार ठरेल असे प्रतिपादन शिवसेनेचे माजी खासदार शिवाजीराव आढळराव पाटिल यांनी काळे बोराटेनगरमध्ये बोलताना केले. कै.दशरथ बळीबा भानगिरे ट्रस्ट आणि सत्यशिव ग्लोबल फाऊंडेशन यांच्या संयुक्त विद्यमाने व नगरसेवक भानगीरे यांच्या पुढाकाराने काळे बोराटे नगरमध्ये अवघ्या 10 रुपयांत आरोग्य तपासणी आणि अल्प दरात वैद्यकीय सुविधा देणाऱ्या सेवाभावी सामाजिक दवाखाण्याचा शुभारंभ करण्यात आला.
यावेळी बोलताना आढळराव पाटील म्हणाले कि मागील 15 वर्षांपासून नगरसेवक भानगिरे हे समाजासाठी झोकून काम करत आहेत,स्व.बाळासाहेब ठाकरे यांचा विचार समोर ठेवून समाजाकरिता काम करणारा शिवसैनिक नाना भानगिरे यांच्या रूपाने या भागात काम करत आहे,हडपसरला जम्बो कोव्हिडड सेंटर सूरु होण्यासाठी प्रयत्न करणार असल्याचे आढळराव पाटील यांनी यावेळी सांगितले.
या वेळी बोलताना नगरसेवक भानगीरे म्हणाले कि ‘कोरोनाच्या महामारीच्या संकटात नागरिकांना डॉक्टर आणि दवाखान्याची सुविधा मिळणे मुश्किल झाले आहे,काळेपडळ या ठिकाणी अल्प दारात वैद्यकीय सुविधा देणारा दवाखाना नागरिकांसाठी सूरु केलेला आहे,लवकरच तरवडे वस्ती आणि हांडे वाडी रोड, उरुळी देवाची परिसरातील नागरीकांकरिता या दवाखान्याची दुसरी शाखा सुरू करण्यात येईल.
डॉ प्रियांका कोतवाल ,डॉ रोहित बोरकर, डॉ शरद कारंडे, डॉ नम्रता शिंदे, अभिमन्यू भानगिरे,सचिन तरवडे,इंतु शेख,योगेश सातव,प्रवीण हिलगे, संतोष जाधव ,नाना बारगुळे , पप्पू होले,विशाल वाल्हेकर,लहू शिंदे,विक्रम फुकटे, राणी फरांदे ,बबनराव आंधळे,अण्णा धायांगुडे, अभिजीत बाबर,प्रभाग 26 चे शिवसैनिक आणि नाना भानगिरे टीम या सर्वानी कार्यक्रम यशस्वी होण्यासाठी परिश्रम घेतले.
