भारतातील उपचाराधीन रुग्णांची सध्याची संख्या 1,71,830;गेल्या 24 तासात 37, 379 नव्या कोरोना रुग्णांची नोंद

नवी दिल्ली -आज सकाळी 7 वाजेपर्यंत प्राप्त झालेल्या तात्पुरत्या अहवालांनुसार भारतातील कोविड-19 प्रतिबंधक लसीकरण अंतर्गत गेल्या 24 तासांत लसीच्या  जवळपास  1 कोटी (99,27,797)  मात्रा देण्यात आल्या असून आतापर्यन्त एकूण 146 कोटी 70  लाख (146,70,18,464) मात्रा देण्यात आल्या आहेत. 1,57,38,732 लसीकरण सत्रांच्या माध्यमातून या मात्रा देण्यात आल्या.आज सकाळी 7 वाजेपर्यंत प्राप्त झालेल्या अहवालानुसार गेल्या 24 तासांत 11,007  रुग्ण बरे झाल्यामुळे आत्तापर्यंत कोरोनामुक्त झालेल्या रुग्णांच्या संख्येत (महामारीच्या आरंभापासून ) वाढ होऊन ती संख्या 3,43,06,414 झाली आहे.परिणामी, भारतातील कोरोनामुक्तीचा दर 98.13 % इतका आहे.भारतातील उपचाराधीन कोरोनाबाधितांची संख्या सध्या 1,71,830 आहे. देशात आढळलेल्या एकूण कोरोनाबाधित रुग्णांपैकी उपचाराधीन रुग्णांचे प्रमाण 0.49 % आहे.देशभरात चाचण्यांची क्षमता सातत्याने वाढवली जात आहे.गेल्या 24 तासात एकूण 11,54,302 चाचण्या करण्यात आल्या. भारताने आत्तापर्यंत एकूण 68.24 कोटींपेक्षा जास्त (68,24,28,595 ) चाचण्या केल्या आहेत.देशभरात चाचणी क्षमता वाढवली जात असताना, देशात साप्ताहिक पॉझिटिव्हिटी दर सध्या 2.05 % आहे आणि दैनंदिन पॉझिटिव्हिटी दर 3.24 % इतका नोंदविण्यात आला आहे.