मुंबई – माझ्यामागे इडी नाही, माझी पाटी कोरी आहे, भाजपला तोंड देण्यासाठी शिवसैनेत प्रवेश करीत आहे असे म्हणत आंबेडकरी चळवळीचे अभ्यासिका सुषमा अंधारे यांनी सेनेत प्रवेश केला. यावेळी शिवसेना प्रमुख उद्धव ठाकरे यांची उपस्थिती होती. पक्षात प्रवेश करताच त्यांची उपनेतेपदी वर्णीही लागली हे विशेष:
अतिरेक्यांना बडवणारा हिंदु हवा- ठाकरे
”आमचा वारसा प्रबोधनकारांचा आहे, बाळासाहेबही सांगायचे की, घंटा बडवणारा हिंदु नको तर अतिरेक्यांना बडवणारा हिंदु हवा.” अशी प्रतिक्रीया सुषमा अंधारे यांच्या पक्षप्रवेशानंतर शिवसेना पक्षप्रमुख उद्धव ठाकरे यांनी दिली.
मी शिवसेनेला काय देऊ शकते
याबाबत सुषमा अंधारे म्हणाल्या, शिवसेनेत प्रवेश करुन मला काय मिळणार, असा प्रश्न अनेकांना पडला आहे. काय द्याचे आणि काय घ्यायचे हा मुद्दा नसून मला शिवसेनेकडून काही मिळण्याची अपेक्षा नाही. सद्यस्थितीत माझ्या डाेक्यात एकच गाेष्ट आहे, मी शिवसेनेला काय देऊ शकते. सैरभैर झालेल्या शिवसैनिकात एक नवीन उमेद जागविण्यासाठी प्रयत्न करणार असल्याचे त्यांनी स्पष्ट केले.
उद्धव ठाकरे भंपक वादात नाही
पुढे त्या म्हणाल्या, भाजपचे हिंदुत्व हे अभिनेत्री कंगना, केतकी चितळे, नुपुर शर्मा, तुषार भाेसले यांच्यासारख्यांच्या प्रवृत्तीचे आहे. हे चिथावणी देणारे, भडकाऊ, भाेंगे उतरवणारे, भाेंग्यावरुन सुपारी देणारे असे हिंदुत्व आहे. या गोष्टीचा आनंद आहे की, अशा भंपक वादात उद्धव ठाकरे नसून ते प्रबाेधनकार ठाकरे यांचा वारसा चालवणारे आहेत.
माझी पाटी कोरी
त्या म्हणाल्या, शिवसेनेतून जे लाेक बाहेर पडतात त्यांच्या डाेक्यावर फाईलींचे ओझे असून ईडी, सीबीआय, आयटी यांच्या टांगत्या तलवारी आहेत. माझ्या काेणत्याही चाैकशी सुरु नसून माझी पाटी काेरी आहे. महाविकास आघाडीत माझ्यावर अन्याय झालेला नाही. परंतु महाराष्ट्राची मान ताठ ठेवण्यासाठी आणि भाजपला ताेंड देण्याकरिता मी शिवसेनेत प्रवेश करत आहे. माझे समविचारी लाेक माझ्यासाेबत शिवसेनेत प्रवेश करतील, असेही त्यांनी यावेळी सांगितले.
