पुणे, 10 ऑगस्ट ः ड्रायव्हर संजय टकले मलेशियातील जोहोर बाहरू येथे होणाऱ्या 2017 एफआयए आशिया-पॅसिफिक रॅली अजिंक्यपद (एपीआरसी) स्पर्धेद्वारे नवा संघ आणि नव्या कारमधून मोहीम सुरू करणार आहे.
जपानी संघ कुस्को रेसिंगसाठी 2014 पासून तीन मोसम ड्रायव्हिंग केल्यानंतर, टकले आता स्वीडिश संघ म्पार्ट स्पोर्ट या संघात दाखल झाला आहे. हा संघाचा माजी जागतिक रॅली अजिंक्यपद ड्रायव्हर फिनलंडचा यारी केटोमा याच्याशी करार आहे.
“”डब्ल्यूआरसी ड्रायव्हर सहकारी असणे ही बाब खूपच खास आणि समृद्ध करणारी आहे. स्वीडिश संघ मित्सुबिशी कारगाड्या वापरतो आणि गतवर्षी मलेशियात चाचणी घेतल्यानंतर एपीआरसीच्या पूर्ण मोसमासाठी दाखल होत आहे,” असे टकले यांनी आपल्या सहचराविषयी सांगितले.टकले यांनी गतमोसमात कुस्को रेसिंगकडून चालवलेल्या सुबारू इम्प्रेझाकडून आर5 मित्सुबिशी मिरेजकडे जाण्याचा निर्णय जाणीवपूर्वक घेतलेला आहे. मोटरस्पोर्टसची जागतिक संघटना एफआयएकडू मित्सुबिशी मिरेजला समक्षेत्री प्रमाणपत्राची प्रतीक्षा आहे, त्यानंतर त्यास मित्सुबिशी आर 5 या नावाने ओळखले जाईल. “”ही फक्त कागदोपत्री तांत्रिक बाब आहे. कारमध्ये आर 5 स्पेक इंजिन आहे, ज्याद्वारे जागतिक रॅली अजिंक्यपद फेऱ्यांत भाग घेताना मोठे लक्ष्य मी बाळगले आहे,” असे टकले म्हणाले.
एकमद नवी कार स्वीडनमध्ये म्पार्टने तयार केलेली आहे, पण आवश्यक गियर बॉक्स उपलब्ध न झाल्यामुळे कारला स्वीडनमधून निघण्यास आणि नंतर इटलीतून सिंगापूरमध्ये दाखल होण्यास विलंब झाला. “”कार बुधवारी दाखल झाली आणि शुक्रवारच्या चाचणीसाठी रात्र जागून जुळवणीचे काम करावे लागले,” असे टकले म्हणाले. त्यांनी मलेशियन बनावटीच्या पेरादुआची 2016 मध्ये त्यांचे सहचालक असलेल्या नोरिको ताकेशिता यांच्यासह टेहेळणी पूर्ण केली. “”चाचणी न केलेली कार थेट स्पर्धेत उतरविताना मला गरम गॅसवर असल्यासारखे वाटते, असे टकले म्हणाले.
2017मधील आशिया कप चॅलेंजमध्ये टकले मलेशियातून सुरू होणाऱ्या फक्त आशिया फेरीतच भाग घेतील. न्यूझीलंड आणि ऑस्ट्रेलियातील पहिल्या दोन फेऱ्या कार तयार नसल्यामुळे टाळल्या. चीनमधील तिसरी फेरी रद्द झाली आणि त्यामुळे टकले यांना मलेशिया, जपान आणि भारतातील बाकी तीन आशियाई फेऱ्यांवर लक्ष केंद्र करता आले.
2017मधील आशिया कप चॅलेंजमध्ये टकले मलेशियातून सुरू होणाऱ्या फक्त आशिया फेरीतच भाग घेतील. न्यूझीलंड आणि ऑस्ट्रेलियातील पहिल्या दोन फेऱ्या कार तयार नसल्यामुळे टाळल्या. चीनमधील तिसरी फेरी रद्द झाली आणि त्यामुळे टकले यांना मलेशिया, जपान आणि भारतातील बाकी तीन आशियाई फेऱ्यांवर लक्ष केंद्र करता आले.
“”जोहोर बाहरू, होक्काईदो आणि चिक्कमंगळूरच्या कॉफी बागायती परिसर या वेगवेगळ्या प्रकाराच्या भूभागातून मी नव्या कारची तीन ठिकाणी चाचणी घेणार आहे. पुढील वर्षी युरोपातील बाकी काही डब्ल्यूआरसी फेऱ्यांसाठी रवाना होताना मला त्याचा लाभ होईल,” असे टकले यांनी स्पष्ट केले.
“”माझी कार स्वीडिश बंदरात अडकली. त्यानंतर तिला इटलीत पाठविण्यात आले आणि जहाजातून सिंगापूरला रवानगी झाली, परंतु विलंबामुळे कित्येक दिवस वाया गेल्यामुळे कडक दोरखंडावरून चालण्यासारखे आमची गत होती,” असे टकले यांनी हाती उशिरा कार येण्याविषयी स्पष्ट केले. कारशी जुळवून घेण्यासाठी त्यांना खूपच कमी वेळ मिळालेला आहे. त्यामुळे रॅली पूर्ण करणे हे पहिले लक्ष्य टकले यांनी बाळगले आहे. मित्सुबिशी आर 5 स्पेक या कारच्या चाचणीच्या वेळेस टकले हे केटोमा यांच्यासोबत सहचालक होते, या बनावटीची नवी कोरी कार आता त्यांच्या स्वाधीन आहे.
ग्रीडवर तीन ड्रायव्हर असलेल्या म्पार्ट स्पोर्टसाठी केटोमा हा क्रमांक एकचा ड्रायव्हर आहे. नॉर्वेचा ओले व्हिबी व भारताचा गौरव गिल यांच्यानंतर तिसऱ्या स्थानी असलेला स्वीडिश रॉबर्ट ब्लोमबर्ग हा केटोमा आणि टकले यांच्यानंतरचासंघाचा तिसरा ड्रायव्हर आहे. व्हिबी याचे 70, त्यानंतर गिलचे 68 आणि ब्लोमबर्गचे 44 गुण आहेत.
एपीआरसीमध्ये आणखी एका अनोखी बाब म्हणजे तीन भारतीय ड्रायव्हर सुरवातीच्या रेषेवर रांगेत असतील, याशिवाय दोघा सहचालकांसह भारतीयांची संख्या पाच होत आहे. पीजी अभिलाष याने यावर्षी न्यूझीलंडमधील व्हॅंगारी येथे एपीआरसीमध्ये पदार्पण केले आणि तो सध्या 35 गुणांसह चौथ्या क्रमांकावर आहे. केटोमा 30 गुणांसह पाचव्या स्थानी आहे.
सहचालकांत मुसा शेरिफहा अभिलाषसाठी सहचालक असेल आणि विवेक पोन्नुस्वामी मलेशियाच्या करमजित सिंगचा सहचालक असेल.
सहचालकांत मुसा शेरिफहा अभिलाषसाठी सहचालक असेल आणि विवेक पोन्नुस्वामी मलेशियाच्या करमजित सिंगचा सहचालक असेल.
जोहोरमधील आंतरराष्ट्रीय रॅली एपीआरसीची तिसरी फेरी आहे, जी 12 व 13 ऑगस्टला नियोजित आहे, तर शुक्रवारी संध्याकाळी रॅलीस समारंभपूर्वक सुरवात होईल.
कोटा टिंग्गीजवळच्या पाम ऑईल बागायतींतील अरुंद, वेगवान आणि मऊ खडकाळ रस्त्यावरील 236 किलोमीटरच्या अंतरात 14 आव्हानात्मक विशेष टप्पे असतील.
जोहोर बाहरू शहराच्या उत्तरेस आणि सिंगापूरच्या सीमेनजीक रॅलीचे टप्पे असतील, जे देशातील सर्वोत्तम मानले जातात. वेगवान आणि तांत्रिकदृष्ट्या आव्हानात्मक रस्त्यावर 80 टक्क्यापेक्षा जास्त आद्रता, 40 डिग्री सेल्सिअसपेक्षा जास्त तापमान असेल, सोबत धुवॉंदार, पण तात्पुरता पाऊस याचे स्पर्धकांसमोर आव्हान असेल.
कोटा टिंग्गीजवळच्या पाम ऑईल बागायतींतील अरुंद, वेगवान आणि मऊ खडकाळ रस्त्यावरील 236 किलोमीटरच्या अंतरात 14 आव्हानात्मक विशेष टप्पे असतील.
जोहोर बाहरू शहराच्या उत्तरेस आणि सिंगापूरच्या सीमेनजीक रॅलीचे टप्पे असतील, जे देशातील सर्वोत्तम मानले जातात. वेगवान आणि तांत्रिकदृष्ट्या आव्हानात्मक रस्त्यावर 80 टक्क्यापेक्षा जास्त आद्रता, 40 डिग्री सेल्सिअसपेक्षा जास्त तापमान असेल, सोबत धुवॉंदार, पण तात्पुरता पाऊस याचे स्पर्धकांसमोर आव्हान असेल.
