पुणे: बिलियर्ड्स अँड स्नूकर असोसिएशन ऑफ महाराष्ट्र(बीएसएएम) यांच्या वतीने आयोजित व मनिषा कन्स्ट्रक्शन आणि व्हॅस्कॉन इंजिनियर्स लिमिटेड प्रायोजित मनिषा-व्हॅस्कॉन बिलियर्ड्स व स्नूकर राष्ट्रीय अजिंक्यपद स्पर्धेत वरिष्ठ पुरुष स्नूकर गटात पंकज अडवानी, इशप्रीत सिंग चड्डा, आदित्य मेहता, ब्रिजेश दमानी, ध्वज हरिया या खेळाडूंनी आपापल्या प्रतिस्पर्ध्यांचा पराभव करून उप-उपांत्यपूर्व फेरीत प्रवेश केला.
पीवायसी हिंदू जिमखाना येथील नव्याने उभारण्यात आलेल्या बिलियर्ड्स हॉलमध्ये सुरु झालेल्या या स्पर्धेत बाद फेरीत 23वेळा जागतिक विजेतेपद पटकावणाऱ्या पेट्रोलियम स्पोर्ट्स प्रमोशन बोर्डच्या पंकज अडवानी याने आपल्या लौकिकाला साजेशी खेळी करत आरएसपीबीच्या मोहम्मद हुस्सेन याचा (5-0){132(122)-00, 63-24, 90(57)-04, 75-47, 70-00}असा एकतर्फी पराभव केला. पंकज याने आपल्या खेळीत पहिल्या फ्रेममध्ये 122 गुणांचा ब्रेक नोंदविला. चुरशीच्या झालेल्या लढतीत 21 वर्षाखालील गटातील आशियाई स्नूकर अजिंक्यपद स्पर्धेतील माजी कांस्यपदक विजेत्या महाराष्ट्राच्या इशप्रीत सिंग चड्डा याने पीएसपीबीच्या शाहबाज खानचा (5-4){64-25, 50-55, 52-64, 71-06, 55-28, 30-76, 57-74, 70-01, 83-25} असा संघर्षपूर्ण पराभव करून आगेकूच केली.
माजी आशियाई क्रीडा स्पर्धेतील रजत पदक विजेत्या पीएसपीबीच्या ब्रिजेश दमानी याने महाराष्ट्राच्या तहा खानवर (5-0){ 92(50)-00, 78-00, 68(59)-07, 76-21, 108-36 } असा सहज विजय मिळवला. अटीतटीच्या लढतीत पीएसपीबीच्या ध्वज हरिया याने कडवी झुंज देत ओडिशाच्या आशुतोष पाधीचा (5-4){ 08-66(51), 20-66, 65-51, 110(79)-10, 60-22, 18-72, 43-56, 80-00, 72-45}असा पराभव करून उप-उपांत्यपूर्व फेरीत धडक मारली.
महिला स्नूकर गटात राउंड रॉबिन फेरीत अ गटात कर्नाटकच्या वर्षा संजीव हिने मध्यप्रदेशच्या सान्वी शहाचा (2-0){79(32)-40, 52-16} असा पराभव करून बाद फेरीत प्रवेश केला. ब गटात महाराष्ट्राच्या अरांता सॅचेस हिने कर्नाटकाच्या इंदिरा गौडाचा (2-1) { 48-24, 30-62, 66-26} असा पराभव करून बाद फेरीतील आपले स्थान निश्चित केले.
स्पर्धेचा सविस्तर निकाल: वरिष्ठ स्नूकर पुरुष गट: बाद फेरी:
पंकज अडवानी(पीएसपीबी)वि.वि.मोहम्मद हुस्सेन(आरएसपीबी)(5-0){132(122)-00, 63-24, 90(57)-04, 75-47, 70-00}
धर्मिन्दर लिली(पंजाब)वि.वि.सिद्धार्थ पारीख(आरएसपीबी)(5-0){64-14, 85(85)-06, 78-28, 81-36, 15-71, 37-72, 58-24 }
संदीप गुलाटी(दिल्ली)वि.वि.अनमोलदीप सिंग(पंजाब)(5-0){75-31, 69-56, 56-49, 70-58, 75-62 }
लक्ष्मण रावत(पीएसपीबी)वि.वि.मलकीत सिंग(आरएसपीबी)(5-1){63-30, 124(107)-12, 72-28, 46-59, 92(84)-09, 103(63)-20 }
ध्वज हरिया(पीएसपीबी)वि.वि.आशुतोष पाधी(ओडिशा)(5-4){ 08-66(51), 20-66, 65-51, 110(79)-10, 60-22, 18-72, 43-56, 80-00, 72-45 }
ब्रिजेश दमानी(पीएसपीबी)वि.वि.तहा खान(महाराष्ट्र)(5-0){ 92(50)-00, 78-00, 68(59)-07, 76-21, 108-36 }
आदित्य मेहता(पीएसपीबी)वि.वि.लालरीना रेंथलेई(मिझोराम)(5-0){59-44, 67-57, 85(61)-15, 77(55)-11, 77(77)-08 }
दिग्विजय कडीयन(हरयाणा)वि.वि.नितेश मदन(आरएसपीबी)(5-1){16-102, 59-40, 112-14, 69-10, 64-52, 56-17}
पारस गुप्ता(उत्तरप्रदेश)वि.वि.अविनाश(दिल्ली)(5-0){ 71-18, 72-50, 67-58, 66-60, 65-36 }
विजय निचानी(तामिळनाडू)वि.वि.हसन बदामी(महाराष्ट्र)(5-4){45-54, 61-39, 59-07, 73(52)-00, 71(57)-01, 40-82, 06-72, 14-80, 57-38 }
हिमांशू जैन(तेलंगणा)वि.वि.इ. पांडूरंगाई(आरएसपीबी)(5-1){ 70-57, 71-12, 49-79, 65-20, 81-22, 71-54}
इशप्रीत सिंग चड्डा(महाराष्ट्र)वि.वि.शाहबाज खान(पीएसपीबी)(5-4){64-25, 50-55, 52-64, 71-06, 55-28, 30-76, 57-74, 70-01, 83-25};
वरिष्ठ महिला स्नूकर: राउंड रॉबिन:
गट अ: वर्षा संजीव(कर्नाटक)वि.वि.सान्वी शहा(मध्यप्रदेश)(2-0){79(32)-40, 52-16};
गट ब: अरांता सॅचेस(महाराष्ट्र)वि.वि.इंदिरा गौडा(कर्नाटक)(2-1) { 48-24, 30-62, 66-26};
गट ड: अनुपमा रामचंद्रन(तामिळनाडू)वि.वि.नीता सांघवी(महाराष्ट्र)(2-0){64-14, 76-22};
गट फ: अमी कमानी(मध्यप्रदेश)वि.वि.आर.उमादेवी नागराजन(कर्नाटक)(2-0){78(44,32)-07, 85(38)-48}.
