मनिषा-व्हॅस्कॉन बिलियर्ड्स व स्नूकर राष्ट्रीय अजिंक्यपद स्पर्धेत सब-ज्युनियर स्नूकरमध्ये तामिळनाडूच्या अनुपमा रामचंद्रन हिला विजेतेपद

पुणे: बिलियर्ड्स अँड स्नूकर असोसिएशन ऑफ महाराष्ट्र(बीएसएएम) यांच्या वतीने आयोजित व मनिषा कन्स्ट्रक्शन आणि व्हॅस्कॉन इंजिनियर्स लिमिटेड प्रायोजित मनिषा-व्हॅस्कॉन बिलियर्ड्स व स्नूकर राष्ट्रीय अजिंक्यपद स्पर्धेत सब-ज्युनियर स्नूकर मुलींच्या गटात तामिळनाडूच्या अनुपमा रामचंद्रन हिने  कर्नाटकच्या किर्थना पंडियन हीचा संघर्षपूर्ण पराभव करून विजेतेपद संपादन केले.

पीवायसी हिंदू जिमखाना येथील नव्याने उभारण्यात आलेल्या बिलियर्ड्स हॉलमध्ये सुरु झालेल्या या स्पर्धेत सब-ज्युनियर(18वर्षाखालील)स्नूकर मुलींच्या गटात अंतिम फेरीत तामिळनाडूच्या अनुपमा रामचंद्रन हिने कडवी झुंज देत कर्नाटकच्या किर्थना पंडियनचा 3-2(49-69, 66-11, 22-66, 34-33, 67-17) असा पराभव करून विजेतेपदाला गवसणी घातली. अनुपमा हि चेन्नई येथे टीएनबीएसए आणि मायलापोर क्लब येथे प्रशिक्षक एसए सलीम यांच्या मार्गदर्शनखाली सराव करते. तिसऱ्या व चौथ्या क्रमांकासाठी झालेल्या लढतीत तामिळनाडूच्या मोहिता हिने गुजरातच्या आन्या पटेलचा 2-0(60-38, 47-38) असा सहज पराभव करून  क्रमांक पटकावला.

ज्युनियर बिलियर्ड्स मुलींच्या गटात उपांत्य फेरीत तामिळनाडूच्या अनुपमा रामचंद्रन हिने आपली विजयी मालिका कायम ठेवत कर्नाटकाच्या किर्थना पंडियनचा 144-90 असा तर, गुजरातच्या इशिका शहा हिने तामिळनाडूच्या मरियन अग्निशचा 120-95 असा पराभव करून अंतिम फेरी गाठली.

वरिष्ठ स्नूकर गटात डबल एलिमनेशन फेरीत क गटात मध्यप्रदेशच्या पियुष कुशवाला याने महाराष्ट्राच्या अजिंक्य येलवेचा 3-2(57-18, 47-71, 65-49, 63-65, 75-30) असा तर, फ गटात आंध्रप्रदेशच्या शिवा शर्मा याने महाराष्ट्राच्या सलील देशपांडेचा 3-0(47-15, 67-24, 60-02) असा पराभव केला.

याआधी सब-ज्युनियर स्नूकर मुलींच्या गटातील विजेत्यांना करंडक व प्रशस्तिपत्रक अशी पारितोषिके देण्यात आली. स्पर्धेचे पारितोषिक वितरण दोन वेळा आयटीएफ फ्युचर स्पर्धेत विजेतेपद पटकावणारा पुण्याचा टेनिसपटू अर्जुन कढे यांच्या हस्ते करण्यात आले. यावेळी बीएसएएमचे उपाध्यक्ष सिद्धार्थ पारीख, बीएसएएमचे मानद सचिव मानव पंचाल, सलील देशपांडे, मुख्य रेफ्री अजय रस्तोगी आणि राजवर्धन जोशी आदी मान्यवर उपस्थित होते.

स्पर्धेचा सविस्तर निकाल: सब-ज्युनियर(18वर्षाखालील)स्नूकर मुली: अंतिम फेरी:
अनुपमा रामचंद्रन(तामिळनाडू)वि.वि.किर्थना पंडियन(कर्नाटक)3-2(49-69, 66-11, 22-66, 34-33, 67-17);

तिसऱ्या व चौथ्या स्थानासाठी: मोहिता(तामिळनाडू)वि.वि.आन्या पटेल(गुजरात)2-0(60-38, 47-38)

ज्युनियर(21वर्षाखालील) बिलियर्ड्स मुली: उपांत्य फेरी:
अनुपमा रामचंद्रन(तामिळनाडू)वि.वि.किर्थना पंडियन(कर्नाटक)144-90;

इशिका शहा(गुजरात)वि.वि.मरियन अग्निश(तामिळनाडू)120-95;

वरिष्ठ स्नूकर: डबल एलिमनेशन फेरी:

गट क: के.वेंकटेशाम(आरएसपीबी)वि.वि.अरविंद दिनदयाळ(तेलंगणा)3-0(46-38, 68-58, 64-45);

गट क: पियुष कुशवाला(मध्यप्रदेश)वि.वि.अजिंक्य येलवे(महाराष्ट्र)3-2(57-18, 47-71, 65-49, 63-65, 75-30);

गट ड: वरून कुमार(तामिळनाडू)वि.वि.अरविंद आंबेरपेट(आरएसपीबी)3-2(75-27, 25-56, 70-18, 14-77, 62-22);

गट ड: एम.एस.अरुण(कर्नाटक)वि.वि.आदित राजा(महाराष्ट्र)3-1(74-63, 19-65, 67-47, 58-21);

गट इ: रवीश अरोरा(पंजाब)वि.वि.कृष्णा बरड(गोवा)3-1(62-23, 34-53, 75-23, 73-61);

गट इ: नवीन कुमार वि.वि.रोहन साकळकर(महाराष्ट्र)3-0(88-61, 55-51, 60-57);

गट इ: राजवर्धन जोशी(महाराष्ट्र)वि.वि.नाबिलांकदा वाला(तेलंगणा)3-1(62-61, 32-73, 48-42, 62-61);

गट फ: शिवा शर्मा(आंध्रप्रदेश)वि.वि.सलील देशपांडे(महाराष्ट्र)3-0(47-15, 67-24, 60-02);

गट फ: जॉय मेहरा(पंजाब)वि.वि.मनोज कुमार(तामिळनाडू)3-2(57-51, 11-55, 71-10, 32-61, 65-36);