स्नूकरमध्ये क्रिश गुरबक्षानी याला विजेतेपद

पुणे: बिलियर्ड्स अँड स्नूकर असोसिएशन ऑफ महाराष्ट्र(बीएसएएम) व पीवायसी हिंदू जिमखाना यांच्या संयुक्त विद्यमाने आयोजित व मनिषा कन्स्ट्रक्शन आणि व्हॅस्कॉन इंजिनियर्स लिमिटेड प्रायोजित मनिषा-व्हॅस्कॉन बिलियर्ड्स व स्नूकर राष्ट्रीय अजिंक्यपद स्पर्धेत  सब-ज्युनियर(18वर्षाखालील) स्नूकरमध्ये मुलांच्या गटात महाराष्ट्राच्या क्रिश गुरबक्षानी याने हरयाणाच्या दिग्विजय कडीयन याचा 4-1 असा पराभव करून या गटांतील राष्ट्रीय स्पर्धेत आपले पहिलेवहिले विजेतेपद संपादन केले.

पीवायसी हिंदू जिमखाना येथील नव्याने उभारण्यात आलेल्या बिलियर्ड्स हॉलमध्ये सुरु झालेल्या या स्पर्धेत सब-ज्युनियर(18वर्षाखालील) स्नूकर मुलांच्या गटात अंतिम फेरीत गतवर्षीचा या स्पर्धेतील या गटांतील उपविजेत्या महाराष्ट्राच्या क्रिश गुरबक्षानी याने हरयाणाच्या दिग्विजय कडीयन याचा 4-1(129(93)-05, 83(43)-55(44), 17-64, 71(45)-08, 62-57 असा पराभव करून विजेतेपद पटकावले. 1तास 50 मिनिटे चाललेल्या या अंतिम फेरीच्या लढतीत क्रिश याने सुरेख सुरुवात करत पहिली फ्रेम दिग्विजय विरुद्ध 129(93)-05अशी जिंकून विजयी सुरुवात केली. या फ्रेममध्ये क्रिश याने आपल्या खेळीत 93 गुणांचा ब्रेक देखील नोंदविला. दुसऱ्या फ्रेममध्ये देखील क्रिशने आपला रंगतदार खेळ सुरू ठेवत दिग्विजय विरुद्ध ही फ्रेम

83(43)-55(44) अशी जिंकून सामन्यात 2-0अशी आघाडी घेतली. तिसऱ्या फ्रेममध्ये दिग्विजय याने चतुराईने खेळ करत हि फ्रेम 64-17अशी जिंकून सामन्यातील आपले आवाहन कायम ठेवले. आघाडीवर असलेल्या क्रिश याने आक्रमक खेळ करत पुढील दोन्ही फ्रेम दिग्विजय विरुद्ध71(45)-08, 62-57) अशा फरकाने जिंकून विजेतेपदावर आपले नाव कोरले.

यावेळी क्रिश म्हणाला की, माझ्या कारकिर्दीतील सब-ज्युनियर स्नूकर गटांतील माझे हे पहिलेच विजेतेपद आहे. एकूणच अंतिम सामना रंगतदार झाला. सामन्यात मी सुरेख सुरुवात केली व पहिल्याच फ्रेममध्ये 93 गुणांचा ब्रेक नोंदविला आणि त्यानंतर चतुराईने खेळ करत आपल्या विजयी कामगिरीत सातत्य राखले. या स्पर्धेत उपांत्य फेरीत रणवीर दुग्गल विरुद्धचा सामना अतिशय चुरशीचा ठरला व या सामन्यात 2-1 अशा फरकाने पिछाडीवर असताना मी जोरदार कमबॅक केले व यामुळे मला विजय निश्चित करता आला. क्रिश हा आर डी नॅशनल कॉलेज मध्ये वाणिज्य शाखेत एसवायजेसीत शिकत खार जिमखाना येथे प्रशिक्षक यासिन मर्चंट यांच्या मार्गदर्शनाखाली सराव करतो. त्याने याआधी गतवर्षी इंदोर येथील राष्ट्रीय सब-ज्युनियर स्नूकर स्पर्धेत उपविजेतेपद पटकावले होते.

तिसऱ्या व चौथ्या क्रमांकासाठी झालेल्या लढतीत चंदीगडच्या रणवीर दुग्गल याने महाराष्ट्राच्या सुमेर मागोचा 2-1(00-112(40,71), 7(68)-16, 58-51) असा संघर्षपूर्ण पराभव करून तिसरा क्रमांक पटकावला.

स्पर्धेचा सविस्तर निकाल: सब-ज्युनियर(18वर्षाखालील) स्नूकर मुले: उपांत्य फेरी:

क्रिश गुरबक्षानी(महाराष्ट्र)वि.वि.रणवीर दुग्गल(चंदीगड) 3-2(79(45)-31, 39-56, 48-63, 69-12, 60-49);

दिग्विजय कडीयन(हरयाणा)वि.वि.सुमेर मागो(महाराष्ट्र) 3-0(83-70, 62-39, 63-17);

अंतिम फेरी:क्रिश गुरबक्षानी(महाराष्ट्र)वि.वि.दिग्विजय कडीयन(हरयाणा) 4-1(129(93)-05, 83(43)-55(44), 17-64, 71(45)-08, 62-57);

3ऱ्या व 4थ्या क्रमांकासाठी: रणवीर दुग्गल(चंदीगड)वि.वि.सुमेर मागो(महाराष्ट्र) 2-1(00-112(40,71), 7(68)-16, 58-51);

ज्युनियर(21वर्षाखालील)स्नूकर मुले: पहिली पात्रता फेरी:

मनिदार चौहान(मध्यप्रदेश)वि.वि.मित शहा(गुजरात)3-0(60-19, 67-25, 60-43);

अनुज कथेड(महाराष्ट्र)वि.वि.जी.अशनाथ(तामिळनाडू) 3-0(44-05, 58-25, 50-43);

गौरव छाब्रा(मध्यप्रदेश)वि.वि.तेनुगला श्रीवास्तव(तेलंगणा) 3-2(59-17, 49-64, 28-44, 48-31, 60-31);

कबीर शर्मा(पश्चिम बंगाल)वि.वि.प्रथम बजाज(उत्तराखंड) 3-2(15-53, 26-40, 64-31, 61-17, 73-19);

वरून कुमार(कर्नाटक)वि.वि.तरणदीप सिंग(उत्तरप्रदेश) 3-0(57-15, 51-14, 49-18);

जयेश वडनेरकर(महाराष्ट्र)वि.वि.रोहन सूर्या(तामिळनाडू) 3-0(50-23, 57-46, 77-36);

ध्रुव पटेल(गुजरात)वि.वि.सईद मोहम्मद माझ अली(तेलंगणा) 3-2(54-30, 52-39, 40-54, 43-54, 60-16);

यश वसंत(पश्चिम बंगाल)वि.वि.निमिश राजदेव(मध्यप्रदेश) 3-1(46-23, 41-56, 60-01, 62-56);

पिनाक अनप(महाराष्ट्र)वि.वि.जे.के.नवीन(तामिळनाडू)3-0(52-28, 59-27, 91(41,31)-36);

हिमांशू सिंग(दिल्ली)वि.वि.मयंक कार्तिक(कर्नाटक)3-2(34-67, 38-60, 63-47, 56-10, 89-20).