पुणे- एक्सेलार स्पोर्टस् अॅड एन्टरटेमेंट प्रायव्हेट लिमिटेड व पुणे जिल्हा कबड्डी संघटना यांच्या सहकार्याने ओयोजित सृजन सुपर 20 युथ कबड्डी अजिंक्यपद स्पर्धेत खेड विभागात मुलींच्या गटात आंबेगावच्या महाराणा प्रताप संघाने अंबेगावच्या अभिनव कबड्डी संघाचा पराभव करत विभागात विजेतेपद पटकावले.
खेड येथे आजपासून सुरू झालेल्या खेड विभागातील सामन्यांमध्ये मुलींच्या अंतिम फेरीच्या लढतीत आंबेगावच्या महाराणा प्रताप संघाने अंबेगावच्या अभिनव कबड्डी संघाचा 43-36 असा पराभव करत विजेतेपद पटकावले.
मुलांच्या उपांत्यपुर्व फेरीच्या सामन्यात खेडच्या वेताळेश्वर क्लब संघाने खेडच्याच ओम कबड्डी क्लब संघाचा 21-19 असा पराभव केला. अंबेगावच्या कमलजादेवी कबड्डी क्लब संघाने खेडच्या महाराजा कबड्डी क्लब संघाचा 29-21 असा तर आंबेगावच्या महाराणा प्रताप संघाने आंबेगावच्या भैरवनाथ संघाचा 35-20 असा पराभव करत स्पर्धेत आगेकुच केली.
स्पर्धेचे उद्घाटन बारामती जिल्हा परिषद सदस्य रोहीत पवार यांच्या हस्ते करण्यात आले. यावेळी अर्जून पुरस्कर विजेते कबड्डी खेळाडू शांताराम जाधव, एक्सेलार स्पोर्टस् अॅड एन्टरटेमेंट प्रायव्हेट लिमिटेडचे प्रमुख कौस्तुभ देशपांडे आदी मान्यवर उपस्थित होते.
स्पर्धेतील प्रत्येक विभागातील विजेता व उपविजेता संघात(मुले व मुली) 18 आणि 19 नोव्हेंबर रोजी बारामती येथे सुपर प्लेऑफ सामने होणार आहेत.
स्पर्धेचा सविस्तर निकाल- मुली- उपांत्य फेरी
अभिनव कबड्डी संघ, आंबेगाव 39 वि.वि शिवराय स्पोर्टस् क्लब, खेड- 19
महाराणा प्रताप, अंबेगाव- 38 वि.वि पंडूरंग महाविद्यालय, जुन्नर- 21
अंतिम फेरी- महाराणा प्रताप, आंबेगाव- 43 वि.वि अभिनव कबड्डी संघ, आंबेगाव- 36
उपांत्यपुर्व फेरी- मुले
वेताळेश्वर क्लब, खेड-21 वि.वि ओम कबड्डी क्लब, खेड-19
कमलजादेवी कबड्डी क्लब, आंबेगाव- 29 वि.वि महाराजा कबड्डी क्लब, खेड- 21
महाराणा प्रताप, अंबेगाव- 35 वि.वि भैरवनाथ संघ, अंबेगाव-20
