पुणे: पीवायसी हिंदू जिमखाना व डेक्कन जिमखाना यांच्या तर्फे आणि बिलियर्ड्स अँड स्नूकर असोसिएशन ऑफ महाराष्ट्र(बीएसएएम) यांच्या संलग्नतेने दुसऱ्या बिलियर्ड्स व 15रेड स्नूकर राज्य निवड अजिंक्यपद 2019 स्पर्धेत स्नूकरमध्ये हसन बदामी, शिवम अरोरा, सुरज राठी, स्पर्श फेरवानी या खेळाडूंनी आपापल्या प्रतिस्परध्यांचा पराभव करून उपांत्यपूर्व फेरीत प्रवेश केला.
पीवायसी हिंदू जिमखाना व डेक्कन जिमखाना येथील बिलियर्ड्स हॉलमध्ये सुरु असलेल्या उप-उपांत्यपूर्व फेरीत अव्वल मानांकित व माजी स्नूकर राज्यस्तरीय स्पर्धेतील विजेता हसन बदामी याने आपल्या लौकिकाला साजेशी खेळी करत दुसऱ्या मानांकित व मुंबईच्या मानव पांचाळचा 4-0(58-39, 77-07, 52-17, 74-23) असा एकतर्फी पराभव करून आगेकूच केली. चुरशीच्या झालेल्या लढतीत गतवर्षीच्या 15रेड स्नूकर राज्यस्तरीय स्पर्धेतील विजेत्या मुंबईच्या स्पर्श फेरवानीने चौथ्या मानांकित व मुंबईच्या शाहबाज खानचा 4-3(41-86, 84-12, 42-86, 42-70, 81-(76)-07, 93(75)-23, 61-10) असा संघर्षपूर्ण पराभव करून उपांत्यपूर्व फेरीत धडक मारली. स्पर्शने उत्कृष्ट खेळाचे प्रदर्शन करत पाचव्या व सहाव्या फ्रेममध्ये अनुक्रमे 76 व 75गुणांचा ब्रेक नोंदविला.
नुकत्याच पार पडलेल्या सिक्स रेड राज्यस्तरीय स्नूकर स्पर्धेतील विजेता पुण्याच्या शिवम अरोराने पिनाक अनपचा 4-1(71-17, 59-19, 67-27, 16-57, 76-27) असा पराभव करून आपली विजयी घौडदौड कायम ठेवली. पुण्याच्या सुरज राठीने मुंबईच्या अजिंक्य येलवेचे आव्हान 4-1(52-37, 37-50, 84-32, 58-13, 85-33) असे संपुष्टात आणले. पुण्याच्या रोहन साकळकरने कडवी झुंज देत मुंबईच्या सुमित आहुजाला 4-3(77-28, 68-40, 23-75, 27-48, 47-18, 13-69, 56-51) असे नमविले.
स्पर्धेचा सविस्तर निकाल: उप-उपांत्यपूर्व फेरी:
शिवम अरोरा(पुणे)वि.वि.पिनाक अनप(पुणे) 4-1(71-17, 59-19, 67-27, 16-57, 76-27);
आनंद रघुवंशी(मुंबई)वि.वि.साहिल कराड(मुंबई) 4-1(62-22, 62-03, 64-15, 54-65, 66-21);
रोहन साकळकर(पुणे)वि.वि.सुमित आहुजा(मुंबई) 4-3(77-28, 68-40, 23-75, 27-48, 47-18, 13-69, 56-51);
सुरज राठी(पुणे)वि.वि.अजिंक्य येलवे(मुंबई) 4-1(52-37, 37-50, 84-32, 58-13, 85-33);
चिराग रामकृष्णन(मुंबई)वि.वि.विशाल वाया(मुंबई) 4-0(62-51, 60-10, 63-15, 60-05);
हसन बदामी(मुंबई)वि.वि.मानव पांचाळ(मुंबई) 4-0(58-39, 77-07, 52-17, 74-23);
स्पर्श फेरवानी(मुंबई)वि.वि.शाहबाज खान(मुंबई) 4-3(41-86, 84-12, 42-86, 42-70, 81-(76)-07, 93(75)-23, 61-10);
अभिषेक बजाज(मुंबई)वि.वि.शयान राझमी(मुंबई)4-2(73-06, 64-39, 35-68, 42-49, 71-38, 64-08).
