पुणे- पीवायसी हिंदू जिमखाना यांच्या वतीने आयोजित पीवायसी हिंदू जिमखाना यांच्या तर्फे दुसऱ्या पीवायसी गोल्डफिल्ड राजू भालेकर करंडक निमंत्रित १९ वर्षाखालील क्रिकेट स्पर्धेत पहिल्या सामन्यात मिहीर किल्लेदार 62, नचिकेत वेर्लेकर नाबाद 70 यांच्या अर्धशतकी खेळीसह सोहेल शेख(5-15), वरून नेने(4-4) यांनी केलेल्या भेदक गोलंदाजीच्या जोरावर संयुक्त क्लब संघाने पहिल्या डावात व्हेरॉक वेंगसरकर क्रिकेट अकादमीविरुद्ध 172 धावांची आघाडी घेत वर्चस्व राखले. तर, दुसऱ्या सामन्यात पहिल्या दिवशी एमसीए संयुक्त जिल्हा संघाने आजदिवसअखेर 57षटकात 5 बाद 182धावा केल्या.
व्हेरॉक वेंगसरकर क्रिकेट अकादमी येथील क्रिकेट मैदानावर सुरु असलेल्या या स्पर्धेत दोन दिवसाच्या लढतीतील सामन्यात पहिल्या दिवशी संयुक्त क्लब संघाला 54.1 षटकात 233 धावापर्यंत मजल मारता आली. यात मिहीर किल्लेदार 62, नचिकेत वेर्लेकर नाबाद 70, रोहित हडके 37, शिवम ठोंबरे 31 यांनी धावा काढून संघाच्या डावाला आकार दिला. व्हेरॉककडून यश जागडे(4-13), हर्षवर्धन पवार(3-43) यांनी सुरेख गोलंदाजी केली. याच्या उत्तरात व्हेरॉक वेंगसरकर क्रिकेट अकादमी संघ 27.5षटकात अवघ्या 61धावावर संपुष्टात आला. यामध्ये अद्वैत मुळ्येने सर्वाधिक 30 धावा केल्या. संयुक्त क्लबकडून सोहेल शेख(5-15), वरून नेने (4-4), रोहित हडके(1-9)यांनी भेदक गोलंदाजी करत संघाला पहिल्या डावात 172 धावांची आघाडी मिळवून दिली. संयुक्त क्लब व व्हेरॉक यांच्यातील अजून एक दिवसाचा खेळ बाकी आहे.
दुसऱ्या डेक्कन जिमखाना क्लब क्रिकेट मैदानावरील पावसामुळे उशिरा सुरु झालेल्या सामन्यात पहिल्या डावात आज दिवसअखेर एमसीए संयुक्त जिल्हा संघाने 57षटकात 5 बाद 182धावा केल्या. यात वेंकटेश काणे 38, सौरभ गढक 34, सनतकुमार माळगे 18, प्रथमेश बजाज 17 यांनी धावा केल्या. अभिषेक पवार नाबाद 55 धावा, तर ओंकार मोहिते नाबाद 7 धावांवर खेळत आहे. डेक्कन जिमखानाकडून आर्यन बांगले(2-39), श्लोक धर्माधिकारी(2-50), रेहान खान(1-53) यांनी शिस्तबद्ध गोलंदाजी केली. एमसीए संयुक्त जिल्हा संघ व डेक्कन जिमखाना यांच्यातील अजून एक दिवसाचा खेळ बाकी आहे.
स्पर्धेचा सविस्तर निकाल: साखळी फेरी:
व्हेरॉक वेंगसरकर क्रिकेट अकादमी मैदान: पहिला डाव: संयुक्त क्लब संघ: 54.1 षटकात सर्वबाद 233 धावा(मिहीर किल्लेदार 62(90), नचिकेत वेर्लेकर नाबाद 70(58), रोहित हडके 37(35), शिवम ठोंबरे 31, यश जागडे 4-13, हर्षवर्धन पवार 3-43, विकी ओस्वाल 1-46, अमन मुल्ला 1-55) वि.व्हेरॉक वेंगसरकर क्रिकेट अकादमी:27.5षटकात सर्वबाद 61धावा(अद्वैत मुळ्ये 30(66), सोहेल शेख 5-15, वरून नेने 4-4, रोहित हडके 1-9); पहिल्या डावात संयुक्त क्लब संघाकडे 172 धावांची आघाडी;
डेक्कन जिमखाना क्लब क्रिकेट मैदान: पहिला डाव एमसीए संयुक्त जिल्हा संघ: 57षटकात 5 बाद 182धावा(अभिषेक पवार नाबाद 55(87), वेंकटेश काणे 38(49), सौरभ गढक 34(64), सनतकुमार माळगे 18, प्रथमेश बजाज 17, ओंकार मोहिते नाबाद 7, आर्यन बांगले 2-39, श्लोक धर्माधिकारी 2-50, रेहान खान 1-53) वि.डेक्कन जिमखाना: .
