स्पर्धेत क्लबमधील 119 खेळाडू सहभागी
पुणे, दि. 3 सप्टेंबर 2019- पीवायसी हिंदू जिमखाना यांच्या वतीने आयोजित सातव्या पीवायसी-ट्रूस्पेस करंडक बॅडमिंटन साखळी स्पर्धेचे आयोजन करण्यात आले असून यात सिद्धार्थ निवसरकर, तेजस किंजिवडेकर, सिद्धार्थ साठे, तन्मय चोभे, अमित देवधर, आर्या देवधर व केदार नाडगोंडे हे खेळाडू महागडे ठरले आहेत. ही स्पर्धा 4 ते 8 सप्टेंबर 2019 या कालावधीत पीवायसी हिंदू जिमखाना क्लबच्या बॅडमिंटन कोर्टवर होणार आहे.
स्पर्धेविषयी अधिक माहिती देताना पीवायसी हिंदू जिमखानाचे मानद सचिव आनंद परांजपे आणि क्लबच्या बॅडमिंटन विभागाचे सचिव तन्मय आगाशे यांनी सांगितले की, स्पर्धेचे हे सातवे वर्ष असून स्पर्धेला ट्रूस्पेस यांचे प्रायोजकत्व लाभले आहे. स्पर्धेत 15 वर्षाखालील गट, महिला गट, 45 वर्षावरील गट आणि खुला गट अशा विविध गटातून 119 स्पर्धकांनी आपला सहभाग नोंदवला आहे. या स्पर्धकांची निवड लिलाव पध्दतीने करण्यातआली असून 8 संघांमध्ये याची विभागणी करण्यात आली आहे.
या स्पर्धेला पाठिंबा देऊन आम्हाला खूप आनंद झाला आहे. या स्पर्धेद्वारे खेळाडूंना आपले कौशल्य दाखविण्यासाठी आम्ही एक प्लॅटफॉर्म उपलब्ध करून देऊ शकलो याचा आम्हाला आनंद असल्याचे ट्रूस्पेसचे मालक आश्विन त्रिमल यांनी सांगितले.
स्पर्धेमध्ये पुरूष खेळाडूंसह महिला व 45 वर्षावरील गटातील प्रत्येकी 3 खेळाडूंचा प्रत्येक संघात समावेश असणे अनिवार्य आहे. प्रत्येक सामन्यासाठी गटानुसार 1 गुण दिला जाणार आहे. ही स्पर्धा साखळी व बाद पध्दतीने होणार असून दोन गटातील अव्वल दोन संघ उपांत्य फेरीस पात्र ठरणार आहेत. स्पर्धेतील विजेत्या संघाला करंडक पारितोषिक देण्यात येणार असल्याचे क्लबच्या बॅडमिंटन विभागाचे सचिव तन्मय आगाशे यांनी सांगितले.
या वर्षीच्या स्पर्धेचे वौशिष्ट म्हणजे या वर्षी स्पर्धेत सर्वाधीक 119 स्पर्धकांनी भाग घेतला आहे. स्पर्धेतील प्रत्येक स्पर्धकाला खेळता यावे अशा पध्दतीने स्पर्धेचे स्वरूप करण्यात आले आहे. महिला व लहान मुलांचा जास्तीत जास्त सहभाग होण्यावर आमचा भर होता. संघातील प्रत्येक स्पर्धकाने किमान एक सामना खेळल्यास या वर्षी प्रत्येक संघाला शंभर टक्के सहभागासाठी 3 बोनस गुण देण्यात येणार आहेत.
स्पर्धेत ब्लेझिंग ग्रिफिन्स(कुणाल पाटील, आकाश सूर्यवंशी व श्रीतेज दरोडे), फाल्कन्स(रणजित पांडे व दीप्ती सरदेसाई), इम्पेरियल स्वान्स(आदित्य काळे, सारंग लागू व तुषार नगरकर), स्कॅव्हेंजर्स(तन्मय चोभे, नंदन डोंगरे व शताक्षी किणीकर), रिबाउंड ब्लॅक हॉक्स(आलोक तेलंग, सारंग आठवले व ईशान तळवळकर), पेलिकन स्मॅशर्स(विवेक लिमये, सचिन जोशी व सिद्धार्थ साठ्ये), ईगल्स(विनायक बापट, आर्या देवधर व बिपीन चोभे) आणि अर्बन रेवन्स(केदार नाडगोंडे, प्रीती सप्रे व श्रीदत्त शानबाग) हे 8 संघ झुंजणार असल्याचे परांजपे यांनी नमुद केले.
8 संघांची अ व ब अशा दोन गटांमध्ये प्रत्येकी 4 संघ अशी विभागणी करण्यात आली आहे. यामध्ये साखळी सामन्यांमध्ये प्रत्येक संघ खेळेल. अव्वल दोन संघ उपांत्य फेरीसाठी पात्र ठरतील. सुवर्ण खुला दुहेरी, रौप्य खुला दुहेरी, सुवर्ण मिश्र दुहेरी, रौप्य मिश्रदुहेरी,रौप्य खुला दुहेरी, लहान वयोगटातील सामना, सुवर्ण 45 वर्षावरील दुहेरी व सुवर्ण खुला दुहेरी अशा गटांमध्ये सामने होणार आहेत.
स्पर्धेसाठी विशेष समितीची स्थापना करण्यात आली आहे, यामध्ये तुषार नगरकर, तन्मय आगाशे, अभिषेक ताम्हाणे, सारंग लागू, सिध्दार्थ निवसरकर, बिपिन चोभे, देवेंद्र चितळे, रणजित पांडे, अभिजीत खानविलकर, कपिल खरे यांचा समावेश आहे. या स्पर्धेसाठी स्पर्धा संचालक विवेक श्रॉफ काम पाहणार आहेत.
स्पर्धेतील सहभागी संघांची व संघातील खेळाडूंची यादी खालीलप्रमाणे
रिबाउंड ब्लॅक हॉक्स: आलोक तेलंग, सारंग आठवले, राधिका इंगळालीकर, अनया तुळपुळे, जयकांत वैद्य, बाळ कुलकर्णी, नरेंद्र पटवर्धन, अमोल मेहेंदळे, समीर जालन, हर्षल गंद्रे, सिद्धार्थ निवसरकर, अमर श्रॉफ, करण पाटील, विक्रांत पाटील, राहुल गांगल, आशुतोष सोमण, आशिष देसाई;
ब्लेझिंग ग्रिफिन्स: आकाश सूर्यवंशी, कुणाल पाटील, दीपा खरे, राजश्री भावे, राजेंद्र नाखरे, गिरीश करंबेळकर, प्रशांत वैद्य, कर्णा मेहता, प्रशांत कुलकर्णी, प्रथम पारेख, तुषार मेंगाळे, विनीत रुकारी, जयदीप गोखले, हर्षवर्धन आपटे, चिन्मय चिरपुटकर, सुधांशू मेडसीकर, आशय कश्यप;
फाल्कन्स: दीप्ती सरदेसाई, रणजीत पांडे, आरुषी पांडे, अनिल देडगे, आनंद घाटे, निलेश केळकर, निखिल चितळे, राजशेखर करमरकर, मधुर इंगळालीकर, सोहन वर्तक, पराग चोपडा, तन्मय आगाशे, रोहन छाजेड, प्रशांत कृष्णन, अभिषेक ताम्हाणे, मंदार विंझे, राहुल परांजपे, अभय राजगुरू;
इम्पेरियल स्वान्स: आदित्य काळे, तुषार नगरकर, आदिती रोडे, प्रीती फडके, हेमंत पाळंदे, विनायक भिडे, संदीप साठे, विश्वेश कटक्कर, तेजस किंजीवडेकर, ईशान भाले, मिहीर केळकर, विक्रम ओगले, अनिश राणे, केदार देशपांडे, अशिषकुमार राठी, अक्षय ओक, अभिजित गानू;
पेलिकन स्मॅशर्स: सिद्धार्थ साठ्ये, विवेक लिमये, चैत्राली नवरे, भाग्यश्री देशपांडे, सचिन जोशी, दत्ता देशपांडे, नितीन कोणकर, हर्षद बर्वे, प्रथम वाणी, सचिन अभ्यंकर, प्रतीक धर्माधिकारी, अंकुश मोघे, नितल शहा, प्रियदर्शन डुंबरे, समीर जोशी, मिथाली कुलकर्णी, शरयू राव;
स्कॅवेंजर्स: शताक्षी किणीकर, तन्मय चोभे, वृषी फुरिया, विरल देसाई, मनीष शहा, रमण जैन, अभिजित राजवाडे, अतुल बिनिवाले, तन्मय चितळे, मकरंद चितळे, अमोल दामले, अनिश रुईकर, मिहीर विंझे, अमित देवधर, अमेय कुलकर्णी, शुभांकर मेनन, कविता रानडे;
द ईगल्स: आर्या देवधर, बिपीन चोभे, गौरी कुलकर्णी, जय परांजपे, संजय फेरवानी, अविनाश दोशी, कौस्तुभ वाळिंबे, देवेंद्र चितळे, बिपीन देव, तेजस चितळे, पार्थ केळकर, चेतन वोहरा, अनिरुद्ध आपटे, शिवकुमार जावडेकर, अमोल काणे, आयुश गुप्ता, विमल हंसराज;
अर्बन रेवन्स: केदार नाडगोंडे, श्रीदत्त शानबाग, सारा नवरे, प्रांजली नाडगोंडे, विवेक जोशी, देवेंद्र राठी, अनिकेत सहस्त्रबुद्धे, चिन्मय चोभे, संग्राम पाटील, रोहन जमेनिस, सुदर्शन बिहानी, रोहित भालेराव, आनंद शहा, अनिकेत शिंदे, अजिंक्य मुठे, अद्वैत जोशी, गिरीश मुजुमदार.
