पुणे: पुणे मेट्रोपॉलिटन जिल्हा टेनिस संघटना(पीएमडीटीए) व फ्युचर प्रो टेनिस अकादमी यांच्या तर्फे व केपीआयटी यांच्या संलग्नतेने आयोजित 12 व 14 वर्षाखालील मुले व मुलींच्या गटातील पीएमडीटीए केपीआयटी कुमार चॅम्पियनशिप ब्रॉन्झ सिरीज मानांकन टेनिस 2019 स्पर्धेत 14 वर्षाखालील मुलांच्या गटात अभिराम निलाखे, अमोघ दामले, अथर्व राऊत यांनी मानांकित खेळाडूंना पराभवाचा धक्का देत आजचा दिवस गाजवला.
येरवडा येथील फ्युचर प्रो टेनिस अकादमीच्या टेनिस कोर्टवर येथे सुरु असलेल्या या स्पर्धेत 14 वर्षाखालील मुलांच्या गटात बिगरमानांकित अभिराम निलाखे याने चौथ्या मानांकित अनन्मय उपाध्यायचा टायब्रेकमध्ये 6-5(7-2) असा पराभव करून सनसनाटी निकालाची नोंद केली. अथर्व राऊतने सातव्या मानांकित दिव्यांक कवितकेचा 6-3 असा सहज पराभव करून आगेकूच केली. अमोघ दामले याने पाचव्या मानांकित आर्यन घाडगेचा 6-2 असा एकतर्फी पराभव करून तिसऱ्या फेरीत धडक मारली.
14वर्षाखालील मुलींच्या गटात दुसऱ्या फेरीत अव्वल मानांकित सिद्धी खोतने आरोही देशमुखला 6-3 असे पराभूत केले. देवांश्री प्रभुदेसाई हिने मृणाल शेळकेचा 6-3 असा तर, अलिना शेखने श्रावणी पत्कीचा 6-2 असा पराभव करून उपांत्यपूर्व फेरीत धडक मारली.
स्पर्धेचा सविस्तर निकाल: 12वर्षाखालील मुले: दुसरी फेरी:
अद्विक नाटेकर(1)वि.वि.पार्थ काळे 6-4;
अर्जुन वेल्लूरी वि.वि.देवदत्त पाटील 6-1;
शार्दुल खवळे वि.वि.सनत कडले 6-2;
आदित्य कामत वि.वि.विहान तिवारी 6-5(7-3);
शिवतेज श्रीफुले(6) वि.वि.आरुष देशपांडे 6-5(8-6);
अर्णव बनसोडे(5)वि.वि.श्रवण देवी 6-0;
अभिराम निलाखे(2) वि.वि.हिमनिश बागिया 6-1;
14वर्षाखालील मुले: दुसरी फेरी:
आर्यन हूड(1)वि.वि.विवान शंकर 6-1;
आदित्य भटवेरा(6)वि.वि.राजचंद्र त्रिमुखे 6-3;
पार्थ देवरूखकर(3)वि.वि.करण चहल 6-0;
अमोघ दामले वि.वि.आर्यन घाडगे(5)6-2;
अथर्व राऊत वि.वि.दिव्यांक कवितके(7)6-3;
अभिराम निलाखे वि.वि.अनन्मय उपाध्याय(4) 6-5(7-2);
14वर्षाखालील मुली: दुसरी फेरी:
सिद्धी खोत(1)वि.वि.आरोही देशमुख 6-3;
देवांश्री प्रभुदेसाई वि.वि.मृणाल शेळके 6-3;
अलिना शेख वि.वि.श्रावणी पत्की 6-2;
सिमरन छेत्री वि.वि.रितिका मोरे 6-1;
श्रावणी देशमुख वि.वि.नाव्या भामिदिप्ती 6-2;
संचिता नगरकर(2)वि.वि.आस्मि टिळेकर 6-2.
