मुंबई, 26 मे, 2019 :महाराष्ट्र राज्य लॉन टेनिस संघटना(एमएसएलटीए) यांच्या तर्फे आयोजित 13व्या योनेक्स सनराईज-एमएसएलटीए रमेश देसाई मेमोरियल 12वर्षाखालील सब-ज्युनियर राष्ट्रीय टेनिस स्पर्धेत मुलांच्या गटात शान वरळीकर, सौमिल चोपडे, श्रीनिकेथ कन्नन यांनी तर, मुलींच्या गटात माही खोरे, वन्या श्रीवास्तव या खेळाडूंनी आपापल्या प्रतिस्पर्ध्यांचा पराभव करून मुख्य फेरीत प्रवेश केला.
जी.ए.रानडे टेनिस कॉम्प्लेक्स येथे सुरु असलेल्या या स्पर्धेत 12 वर्षाखालील मुलांच्या गटात चुरशीच्या झालेल्या लढतीत शान वरळीकरने पर्व पटेलचा टायब्रेकमध्ये 6-7(8), 6-4, 6-2 असा पराभव करून आगेकूच केली. सौमिल चोपडेने कडवी झुंज देत आराध्य क्षितिजचे आव्हान 6-7(6), 6-1, 6-0 असे संपुष्टात आणले. श्रीनिकेथ कन्नन याने विशाल वासुदेववर टायब्रेकमध्ये 6-3, 3-6, 7-6(5) असा विजय मिळवला. अक्षित बालसुब्रमनियम याने प्रणिल शर्माला 6-1, 6-1 असे पराभूत केले.
मुलींच्या गटात अंतिम पात्रता फेरीत वन्या श्रीवास्तव हिने माहिका सुरवारामचा 7-6(5), 6-1 असा पराभव करून मुख्य फेरी गाठली. माही खोरेने श्रीमान्या अनुगोंडाला 6-2, 6-0 असे नमविले.
स्पर्धेचा सविस्तर निकाल: अंतिम पात्रता फेरी: 12 वर्षाखालील मुली:
एंजल पटेल वि.वि.रिशीथा बासिरेड्डी 6-1, 6-1;
सलोनी परिदा वि.वि.क्षीरीन वाकलकर 6-4, 6-2;
माही खोरे वि.वि.श्रीमान्या अनुगोंडा 6-2, 6-0;
रिहाना रोड्रिगेस वि.वि.अनन्या सिन्हा 7-5, 6-3;
वन्या श्रीवास्तव वि.वि.माहिका सुरवाराम 7-6(5), 6-1;
अवनी चितळे वि.वि.दिशा बेहेरा 6-3, 6-0;
12वर्षाखालील मुले:
अक्षित बालसुब्रमनियम वि.वि.प्रणिल शर्मा 6-1, 6-1;
अंशीत देशपांडे वि.वि.अर्जुन कीर्तने 6-4, 6-1;
प्रद्युम्न तोमर वि.वि.अनुज पाल 6-0, 6-1;
मिहीर कांतवाला वि.वि.नमन चौधरी 6-1, 6-1;
शान वरळीकर वि.वि.पर्व पटेल 6-7(8), 6-4, 6-2;
सौमिल चोपडे वि.वि.आराध्य क्षितिज 6-7(6), 6-1, 6-0;
श्रीनिकेथ कन्नन वि.वि.विशाल वासुदेव 6-3, 3-6, 7-6(5);
