पुणे : एखाद्या आंतरराष्ट्रीय उत्पादनांचे उदघाटन महिला खेळाडूंच्या हस्ते होणे व त्यासाठी आमची ब्रँड अँबॅसिडर म्हणून नियुक्ती होणे हा आमच्यासाठी अभिमानस्पद क्षण आहे, असे छत्रपती पुरस्कार विजेती आंतरराष्ट्रीय बुद्धिबळपटू मृणालिनी कुंटे-औरंगाबादकर व आंतरराष्ट्रीय टेबल टेनिसपटू पूजा सहस्त्रबुद्धे यांनी सांगितले
महिला शक्ती आणि महिलांनी विविध क्षेत्रात केलेल्या उत्कृष्ट कामगिरीबद्दल अॅस्पेन वॉचेस तर्फे एका विशेष कार्यक्रमात महिलांचा सन्मान करण्यात आला.याप्रसंगी भाग्यश्री कोलते, पूजा सहस्त्रबुद्धे, ऋतुजा सातपुते या आंतरराष्ट्रीय महिला खेळाडूंसह महिला बुद्धिबळपटू व प्रशिक्षक मृणालिनी कुंटे-औरंगाबादकर आणि महिला क्रिडा पत्रकार पूनम काटे यांचा गौरव करण्यात आला. अॅस्पेन हा कर्तृत्ववान महिलांचे प्रतिनिधित्व करणारा लेडीज वॉचेसचा एक लोकप्रिय ब्रँड असून वेस्टएंड मॉल, औंध येथील जस्ट वॉचेस या स्टोअरमध्ये झालेल्या एका शानदार समारंभात या सर्व कर्तृत्ववान महिलांच्या हस्ते आपल्या ज्वेल्स या नव्या कलेक्शनचे अनावरण करण्यात आले.
पूजा सहस्त्रबुद्धे म्हणाली कि, सर्वच क्षेत्रांमध्ये महिला आघाडीवर असून देशाचे नाव उज्वल करण्यास महिलांचाही मोठा वाटा असतो.
आंतरराष्ट्रीय सायकलपटू ऋतुजा सातपुते हिने सांगितले की, अशा सत्कारांमुळे आम्हांला अधिकाधिक चांगली कामगिरी करण्यासाठी प्रोत्साहन मिळते.
यावेळी उपस्थित असलेल्या विशेष महिला अतिथींमध्ये विविध क्षेत्रात कर्तृत्व गाजविणार्या महिलांचा समावेश होता. त्यात भारतातील तिसर्या क्रमांकाची तिरंदाज व शिवछत्रपती पुरस्कार विजेती भाग्यश्री कोलते, राष्ट्रकुल सुवर्णपदक विजेती टेबलटेनिसपटू पूजा सहस्त्रबुद्धे, कुमार गटातील गुणवान खेळाडू आणि 16 वर्षाखालील गटातील महाराष्ट्रातील अव्वल मानांकित टेबलटेनिसपटू पृथा व्हर्टिकर, महिला ग्रॅन्डमास्टर व प्रशिक्षक शिवछत्रपती पुरस्कार विजेत्या मृणालिनी कुंटे औरंगाबादकर, आंतरराष्ट्रीय सायकलपटू ऋतुजा सातपुते आणि पुण्यातील महिला क्रीडापत्रकार पूनम काटे यांचा समावेश होता.
याप्रसंगी अॅस्पेन वॉचेस तर्फे ज्वेल्स या विशेष कलेक्शनचे अनावरण करण्यात आले. या कलेक्शनमध्ये अभिनव डिझाईन आणि ज्वेलरी यांचा उत्कृष्ट संगम असलेल्या घड्याळांचा समावेश आहे. ज्वेल्स ब्रँडच्या घड्याळांमुळे नेहमीच्या घड्याळांपेक्षा काहीतरी आगळेवेगळे आणि हिरेजडीत दागिन्यांची जागा घेणारी अॅक्सेसरीज वापरण्याचा आनंद महिलांना मिळणार आहे. या घड्याळांसाठी इटली, रशिया, चीन व इतर देशांमधून खास मागविलेल्या विविध प्रकारच्या चेनचा वापर करण्यात आला असून या घड्याळांना एक आकर्षक लूक देण्यासाठी विशेष प्रकारच्या डायल्सचा वापर करण्यात आला आहे.
