क्रिकेट स्पर्धेत व्हेरॉक वेंगसरकर क्रिकेट अकादमी संघांचा अंतिम फेरीत प्रवेश

पुणे,- पीवायसी हिंदु  जिमखाना क्लब यांच्या  तर्फे पीवायसी करंडक 14वर्षाखालील निमंत्रित क्रिकेट स्पर्धेत  व्हेरॉक  वेंगसरकर  क्रिकेट  अकादमी संघाने क्लब ऑफ महाराष्ट्र संघाचा पराभव करत अंतिम फेरीत प्रवेश केला.  

डेक्कन जिमखाना क्रिकेट मैदानावर झालेल्या दुस-या उपांत्य फेरीच्या लढतीत प्रसन्न पवारच्या 62 धावांच्या बळावर व्हेरॉक  वेंगसरकर  क्रिकेट अकादमी  संघाने क्लब ऑफ महाराष्ट्र संघाचा 7 गडी राखून दणदणीत पराभव करत अंतिम फेरी गाठली. पहिल्यांदा खेळताना क्रिश शहापुरकरच्या एकाकी 85 धावांच्या जोरावर क्लब ऑफ महाराष्ट्र संघाने 45 षटकात 8 बाद 147 धावा केल्या. व्हेरॉक  वेंगसरकर  क्रिकेट अकादमी संघाच्या कबीर भट्टचार्जीने 35 धावात 2 गडी बाद करत क्लब ऑफ महाराष्ट्र संघाचा डाव 147 धावांत रोखला. 147 धावांचे आव्हान प्रसन्न पवारच्या 62, शार्दुल विनोदेच्या 34 व  वैभव अगमच्या नाबाद 24 धावांच्या बळावर व्हेरॉक  वेंगसरकर  क्रिकेट अकादमी संघाने केवळ 27.4 षटकात 3 बाद 150 धावा करून सहज पुर्ण करत अंतिम फेरीत धडक मारली. 

स्पर्धेचा सविस्तर निकाल- उपांत्य फेरी

क्लब ऑफ महाराष्ट्र- 45 षटकात 8 बाद 147 धावा(क्रिश शहापुरकर 85, विवेक टिपरे 17, कबीर भट्टचार्जी 2-35, भार्गव महाजन 1-35, ओंकार राजपुत 1-34, साहिल सावंत 1-6) पराभूत वि व्हेरॉक  वेंगसरकर  क्रिकेट अकादमी- 27.4 षटकात 3 बाद 150 धावा(प्रसन्न पवार 62, शार्दुल विनोदे 34, वैभव अगम नाबाद 24, साहिल कड 1-26, पार्थ कांबळे 1-55, तेजस शिंदे 1-25) सामनावीर- प्रसन्न पवार

व्हेरॉक  वेंगसरकर  क्रिकेट अकादमी  संघाने 7 गडी राखून सामना जिंकला.