पुणे– कॅन्सर ग्रस्तांसाठी दीर्घकाळापासून कार्यरत असलेल्या केअर इंडिया मेडिकल सोसायटी(सीआयएमएस) यांच्या तर्फे संस्थेच्या कार्याला 25 वर्षे पूर्ण झाल्याबद्दल रन फॉर कॅन्सर या स्पर्धेचे आयोजन करण्यात आले आहे.
पत्रकार परिषदेत व्हिडीओ कॅन्फरन्सव्दारे संवाद साधताना संस्थेच्या पेट्रन प्रिया दत्त म्हणाल्या, माझा व माझ्या कुटूंबाला कॅन्सर सारख्या दुर्धर आजाराचा फार जूना अनूभव आहे. इस्पितळ व घरी जाऊन रूग्नाना सेवा देणारी केअर इंडिया मेडिकल सोसायटी ही संस्था गेली 25 वर्षे अविरत सेवा पुरवीत आहे. भारतात कॅन्सरची समस्या फार गंभीर आहे. सरकारने अधिक गांभीर्याने याकडे लक्ष देण्याची गरज असल्याचे त्या म्हणाल्या. कॅन्सरचे लवकरात लवकर निदान होणे आवश्यक आहे, तसेच कॅन्सर विषयी लोकंमध्ये जागृती वाढवणे गरजेचे असल्याचेही त्यांनी यावेळी नमुद केले. रन फॉर कॅन्सर या स्पर्धेसाठी मी स्वतः उपस्थित राहील असेही त्यांनी सांगितले.
पत्रकार परिषदेत अधिक माहिती देताना बोर्ड ऑफ ट्रस्टीचे अध्यक्ष लेफ्टनंट जनरल एम.ए. तुटकने(निवृत्त), संस्थापक विश्वस्त एन.एस.न्यायापथी, ट्रस्टी ब्रिगेडिअर एल.व्ही.सदाशिवन(निवृत्त) यांनी सांगितले कि, येत्या रविवार, दि.4 फेब्रुवारी रोजी सकाळी 6.30वाजता बीएमसीसी रोड वरील महावीर जैन मुलींच्या हॉस्टेलपासून या स्पर्धेला सुरुवात होणार आहे. हि स्पर्धा 3,5, 10किलोमीटर या गटांत पार पडणार असून स्पर्धा पूर्ण करणाऱ्या सर्व गटातील धावपटूंना पदक, नाश्ता आणि टी-शर्ट देण्यात येणार आहे. तसेच, स्पर्धकांना बीएमसीसी रोड वरील महावीर जैन मुलींच्या हॉस्टेलपासून या स्पर्धेला सुरुवात होणार असून चतुश्रुंगी येथून पुन्हा महावीर जैन मुलींच्या हॉस्टेल येथे या शर्यतीचा समारोप होणार आहे.
केअर इंडिया मेडिकल सोसायटी या संस्थेची फेब्रुवारी 1993 मध्ये नोंदणी करण्यात आली. या संस्थेतर्फे गेल्या 25 वर्षापासून गरजू व गरीब कॅन्सर रुग्णांना विविध प्रकारच्या सेवा पुरविल्या जातात. त्यामध्ये कर्करोगाविषयी शिक्षण, कर्करोगाचा लवकरात लवकर शोध, त्यावरील उपचार व असाध्य कर्करोग झालेल्या रुग्णांसाठी अखेरच्या क्षणापर्यंत वैद्यकीय सेवा व उपचार यांचा समावेश आहे.
या संस्थेतर्फे चालविण्यात येणाऱ्या विविध सेवांमध्ये सत्सत्ससेवा(कर्करोग निकोपाला गेलेल्या रुग्णांना घरपोच सेवा), विश्रांती(रुग्णालयात दाखल करावे लागलेल्या रुग्णांसाठी वेदनाशामक व अन्य सेवा), मातृसेवा(महिलांसाठी कर्करोग प्रतिबंधक व कर्करोग संशोधक कार्यक्रम), कॅन ट्रीट(कर्करोगावरील वैद्यकीय उपचार व सेवा) या विभागांचा समावेश आहे.
या संस्थेच्या उपक्रमांविषयी सर्वसामान्य नागरिकांमध्ये जागरूकता वाढत असून त्यामुळे नागरी व शहरी विभागातील झोपडपट्टयांमधील तसेच सभोवतालच्या खेड्यांमधील रुग्ण मोठ्या प्रमाणात पुण्यात दाखल होत आहेत.विशेष म्हणजे केअर इंडिया मेडिकल सोसायटी तर्फे या सेवा मोफत दिल्या जातात.तसेच, शासनाकडून कोणतीही मदत न घेता समाजातील दानशूर व्यक्ती व संस्थांच्या पाठिंब्यावर या संस्थेने आपल्या कार्याचे पाव शतक पूर्ण केले असल्याचे त्यांनी नमूद केले.
स्पर्धेचे प्रवेशशुल्क 3किलोमीटरसाठी 300रुपये, 5 किलोमीटरसाठी 400 रुपये आणि 10किलोमीटरसाठी 500 रुपये ठेवण्यात आले आहे. पत्रकार परिषदेत महेंद्र शहा, सल्लागार उदय गुजर, निखिल शहा आदी मान्यवर उपस्थित होते.
