पुणे- ट्रिनिटी इंजिनिअरींग व इंजिन इनसाईट प्रायव्हेट लिमिटेड यांच्या सहकार्याने आयोजित ट्रिनिटी चॅम्पियन्स करंडक 2017 एकदिवसीय क्रिकेट स्पर्धेत युनियन क्रिकेट क्लब संघाने हडपसर जिमखाना संघाचा पराभव करत स्पर्धेत आगेकुच केली.
के.जे इन्स्टिटयूट मैदानावर सुरू असलेल्या या स्पर्धेत साखळी फेरीत मयुर बागुलच्या 86 धावांच्या बळावर युनियन क्रिकेट क्लब संघाने हडपसर जिमखाना संघाचा 1 गडी राखून पराभव केला. पहिल्यांदा खेळताना अजिंक्य थोटे व संकेत जेवरे यांच्या भेदक गोलंदाजीपुढे हडपसर जिमखाना संघाने 39.1 षटकात सर्वबाद 182 धावा केल्या. 182 धावांचे आव्हान युनियन क्रिकेट क्लब संघाने 37 षटकात 9 बाद 183 धावांसह पुर्ण करत विजय मिळवला. मयुर बागुल सामनावीर ठरला.
स्पर्धेचा सविस्तर निकाल- साखळी फेरी
हडपसर जिमखाना- 39.1 षटकात सर्वबाद 182 धावा(ऋषी पिसे 28, अक्षय मुरमुरे 30, कौस्तुभ भाटे 26, प्रतीक खेडेकर 22, अजिंक्य थोटे 4-42, संकेत जेवरे 4-36, गिरिष होटवानी 2-39) पराभूत वि युनियन क्रिकेट क्लब- 37 षटकात 9 बाद 183 धावा(मयुर बागुल 86(116), अमन यादव 16, अजय न्हवले 6-48, कौस्तूभ भाटे 2-29, अक्षय मुरमुरे 1-26) सामनावीर- मयुर बागुल
युनियन क्रिकेट क्लब संघाने 1 गडी राखून सामना जिंकला.
