पुण्यात तिसरे विश्‍व वेद विज्ञान संमेलन

पुणे – महाराष्ट्र सरकार, विज्ञान भारती, डेक्कन कॉलेज अभिममत विद्यापीठ आणि गोवा सरकारच्या वतीने तिसरे विश्‍व वेद विज्ञान संमेलन १० ते १३ जानेवारी या कालावधीत डेक्कन कॉलेज अभिमत विद्यापीठ येथे आयोजित करण्यात आले आहे.
वेद विज्ञान सृष्टी या प्रदर्शनाचे उद्घाटन बुधवार, ता. १० जानेवारी रोजी सकाळी ९ वाजता करण्यात येणार आहे. शिक्षणविषयक सभेची सुरुवात दुपारी ११ वाजता करण्यात येणार असून शाखानिहाय चर्चा होणार आहेत. दुपारी ४ वाजता वेदिक विज्ञान व आधुनिक विज्ञान या कार्यक‘मात डॉ. विजय भटकर मार्गदर्शन करणार असून डॉ. विश्‍वनाथ कराड अध्यक्षस्थान भूषविणार आहेत. संध्याकाळी ७ वाजता आनंदमुर्ती गुरू मा यांचे प्रवचन होणार आहे.
दुसर्‍या दिवशीच्या सत्रांचे उद्घाटन गुरुवारी सकाळी १० वाजता प्रा. वसंत शिंदे यांच्या हस्ते करण्यात येणार आहे. माजी केंद्रीय मंत्री डॉ. मुरली मनोहर जोशी व स्वामी तेजोमनयानंद मार्गदर्शन करणार आहेत. डॉ. विजय भटकर, जयंत सहस्त्रबुध्दे, सुरेश सोनी, प्रा. ए. पी. जामखेडकर यांची प्रमुख उपस्थिती राहणार आहे. दुपारच्या सत्रांमध्ये शास्त्र व तत्वज्ञान, योगा, पुरातत्व, वेदा व इलेक्टॉनिक्स, कृषी व गोविज्ञान, मानव आणि समाज शास्त्र, कला व विज्ञान या विषयांची स्वतंत्र चर्चासत्रे होणार आहेत. वेद आणि शाश्‍वत विकास या विषयावर परिसंवाद होणार आहे.
शुक‘वारी ता. १२ जानेवारी रोजी सकाळी साडेसात वाजता सूर्यनमस्कार सहपरिवार हा कार्यक‘म होणार असून, सकाळी साडेनऊ वाजता विज्ञानावर मनोराज्य करणारे विवेकानंद हे जयंत सहस्त्रबुध्दे यांचे व्या‘यान होणार आहे. दुपारच्या सत्रात योगा, वेदिक व्यवस्थापन, विज्ञान व तंत्रज्ञान, शारीरिक विज्ञान, सानाजिक शास्त्र आदी विषयांवरील चर्चासत्रे होणार आहेत. संध्याकाळी पाच वाजता डॉ. सुभाष पालेकर यांचे नैसर्गिक शेतीचा शून्य अर्थसंकल्प हे व्या‘यान होणार आहे. सायंकाळी साडेसहा वाजता शमा भाटे यांचा सांस्कृतिक कार्यक‘म होणार आहे.
शनिवारी १३ जानेवारी रोजी सकाळी साडेनऊ वाजता प्रा. एम. के. ढवळीकर यांचे पुरातत्वविज्ञान या विषयावरील व्या‘यान होणार असून साडेदहा वाजता योगा आणि त्याचा आज व उद्याशी संबंध या विषयावर कविंद्र ऋषी यांचे मार्गदर्शन होणार आहे. मनुष्यबळ विकास राज्यमंत्री सत्यपाल सिंग अध्यक्षस्थान भूषविणार आहेत. दुपारच्या सत्रात अभियांत्रिकी, तंत्रज्ञान, कला व क‘ीडा, सौंदर्यशास्त्र आदी विषयांवरील चर्चासत्रे होणार आहेत. केंद्रीय मंत्री डॉ. हर्ष वर्धन यांच्या प्रमुख उपस्थितीत दुपारी साडेतीन वाजता समारोप करण्यात येणार आहे. ए. जयकुमार, डॉ. विजय भटकर, वसंत शिंदे, डॉ. प्रसाद जोशी, संतोष कुमार यांची प्रमुख उपस्थिती राहणार आहे.