पुणे-डेक्कन एज्युकेशन सोसायटीच्या ‘जगन्नाथ राठी व्होकेशन गायडेन्स अँड ट्रेनिंग इन्स्टिट्यूट’मध्ये (जेआरव्हीजीटीआय) ‘हेरीच इंडिया’चे व्यवस्थापकीय संचालक ए, के, गोयल यांच्या हस्ते पदवी प्रदान समारंभ संपन्न झाला. सोसायटीचे अध्यक्ष डॉ. शरद कुंटे अध्यक्षस्थानी होते. स्थानिक व्यवस्थापन समितीचे अध्यक्ष प्रमोद रावते, संचालक डॉ. श्रीकृष्ण कानेटकर यांची प्रमुख उपस्थिती होती.
व्यावसायिक क्षेत्रात यश मिळविण्यासाठी विद्यार्थ्यांनी दांडगी इच्छाशक्ती, उच्च ध्येय, सातत्यपूर्ण सरावातून कौशल्य विकास करण्यावर भर दिला पाहिजे असे मत श्री. गोयल यांनी व्यक्त केले. विद्यार्थ्यांनी नोकरी करणार्यांपेक्षा नोकरी देणारे उद्योजक बनावे, त्यासाठी परिस्थितीनुसार बदलण्यापेक्षा परिस्थिती बदलण्याची क्षमता विकसित केली पाहिजे असे मत डॉ. कुंटे यांनी व्यक्त केले.
