भांबुर्डा वन उद्यानाची वैशिष्ट्ये
१. पुणे शहरातील सर्वात मोठे क्षेत्रफळ असणारे उद्यान ः १४ एकर
२. आयुष वन, लुप्त होणार्या प्रजातींचे वन, गणेश वन, सुगंधी वन, नवग‘ह वन, पंचवटी वन, औषधी वन, नक्षत्र वन, फळ उद्यान, वड जातींच्या वृक्षांचे उद्यान, पाम उद्यान, उपयुक्त प्रजातींचे उद्यान, स्मृती वन, बांबू वन, किचन बाग वन अशा विविध विभागांमध्ये वनउद्यानाची रचना करण्यात आली असून, १४ हजार वृक्ष व वेलींची लागवड करण्यात आली आहे
३. नागरिक विशेषतः विद्यार्थ्यांना पर्यावरणाची ओळख व्हावी यासाठी निसर्ग परिचय केंद्र
४. पर्यावरण विषयक कार्यक‘मांसाठी खुले सभागृह, चित्रफिती दाखविण्याची सुविधा
५. विद्यार्थ्यांच्या शारीरीक व मानसिक विकासासाठी साहसी खेळ, मैदानी खेळ, प्राण्यांच्या प्रतिकृती व खेळांचे साहित्य, मतिमंद विद्यार्थ्यांसाठी स्वतंत्र विभाग
६. व्यायामासाठी ओपन जिम, योग केंद्र, ङ्गिरण्यासाठी निसर्ग पाऊलवाटा, बसण्यासाठी कठडे व मनोरे
७. उद्यानात ४ वन तलाव खोदून पाणीसाठा करण्यात आला आहे. ओढे, नाले यांना दगडी पिचिंग करून नागरिकांना पाणी अडविण्याची प्रात्यक्षिके दाखविण्यात येणार आहेत. जमिनीची धूप थांबविणे आणि पाणी अडविण्याचे महत्त्व नागरिकांना कळावे यासाठी प्रायोगिक तत्त्वावर गॅबियन वॉल उभारण्यात आली आहे.
८. लाकडी आभासाचे पूल, भव्य प्रवेशद्वार, आकर्षक भित्तीचित्रे, रंगीबेरंगी फुले, विविध प्रकारचे गुलाब, मनमोहक धबधबा, सुंदर प्रकाश व्यवस्था, नैसर्गिकपणे केलेली सजावट यामुळे उद्यानाच्या सौंदर्यात भर पडली आहे
आमदार विजय काळे :
‘भांबुर्डा वनउद्यान हे एक सुंदर, आधुनिक, आरोग्यदायी, पर्यावरण व निसर्गाची माहिती देणारे, नैसर्गिक, शैक्षणिक, मनोरंजनदृष्ट्या महत्त्वाचे केंद्र म्हणून विकसित करण्यात आले आहे. गोखलेनगर, शिवाजीनगर, पत्रकारनगर, पाषाण, कर्वेनगर, कोथरुड आदी परिसरातील नागरिकांसाठी फिरण्यासाठी, व्यायामासाठी, शुद्ध नैसर्गिक हवेसाठी, पर्यावरण शिक्षणासाठी आणि निसर्गाचे अलौकिक सौंदर्य अनुभवण्यासाठी उपयुक्त ठरेल, असा विश्वास वाटतो. वनउद्यानाचा पहिला टप्पा पूर्ण झाला आहे. पुढील टप्प्यांत विविध विकासकामे पूर्ण करण्यात येणार आहेत. त्यासाठी आवश्यक असणारा निधी उपलब्ध दिला जाईल.’
पार्श्वभूमी
भांबुर्डा वन विभागातील ही जागा पूर्वी मॅफको कंपनीला भाडेतत्त्वावर देण्यात आली होती. कंपनीचा करार संपल्यानंतर हे क्षेत्र ओसाड होते. मोठ्या प्रमाणात कचरा साचलेला होता. विविध शाळा, महाविद्यालयातील विद्यार्थी, अनिरुध्द उपासना केंद्राचे स्वयंसेवक यांनी स्वच्छता, वृक्ष लागवड, रोपांना पाणी देणे अशी मदत सातत्याने केली. आमदार विजय काळे यांच्या संकल्पनेतून वनउद्यान निर्माण करण्यात आले आहे. त्यासाठी एक कोटी ७२ लाख रुपये खर्च झाला आहे.
