फर्ग्युसनमध्ये सावरकरांना आदरांजली

पुणे ता. २८ ः स्वातंत्र्यवीर वि. दा. सावरकर यांच्या १३७ व्या जयंतीनिमित्त त्यांच्या वास्तव्याने पावन झालेली फर्ग्युसन महाविद्यालयाच्या वसतिगृहातील खोली आज दर्शनासाठी खुली ठेवण्यात आली होती. सावरकर प्रेमींनी मोठ्या सं‘येने आज या खोलीला भेट देऊन सावरकरांना अभिवादन केले.
डेक्कन एज्युकेशन सोसायटीच्या नियामक मंडळ व परिषदेचे अध्यक्ष डॉ. शरद कुंटे यांच्या हस्ते स्वातंत्र्यवीरांच्या अर्धपुतळ्याला पुष्पहार अर्पण करण्यात आला. संचालक ऍड नितीन आपटे यांचे ‘सावरकरांचे कार्य कर्त्तृृत्व’ या विषयावर व्या‘यान झाले. शाहीर हेमंत मावळे व सहकार्‍यांनी पोवाडा सादर केला.
सोसायटीचे उपाध्यक्ष महेश आठवले, कार्यवाही डॉ. श्रीकृष्ण कानेटकर, संचालक प्रमोद रावत, फर्ग्युसनचे प्राचार्य डॉ. आर. जी. परदेशी, बीएमसीसीचे प्राचार्य डॉ. चंद्रकांत रावळ, डॉ. मोहन आगाशे, पंडित वसंतराव गाडगीळ यांची प्रमुख उपस्थिती होती. प्रा. स्वाती जोगळेकर आणि प्रा. आनंद काटिकर यांनी संयोजन केले.
सावरकर यांचे सन १९०२ ते १९०५ या कालावधीमध्ये फर्ग्युसन महाविद्यालयाच्या वसतिगृहातील खोली क‘. १७ मध्ये वास्तव्य होते. सावरकरांचा पलंग, खुर्ची, वकीली करीत असताना परिधान केलेले परिधान केलेले दोन गाऊन या खोलीमध्ये ठेवण्यात आलेले आहेत. सावरकरांच्या जीवनातील महत्त्वाचे प्रसंग चित्ररुप करण्यात आले आहेत.