· एयरलाइनचा प्रक्रिया वेळ २-३ दिवसांपर्यंत कमी
· २.५ लाख कोविड रिफंड्सचा पूर्ण बॅक लॉग यशस्वीपणे पूर्ण
नवी दिल्ली, २६ सप्टेंबर २०२२ – जागतिक महामारी व त्यानंतर कामकाज पूर्ववत होण्याच्या काळात कित्येक विमानवाहतूक कंपन्यांसाठी रिफंड्स ही मोठी समस्या झाल्याची दखल घेत एयर इंडियाने आज या बाबतीतील आपली क्षमता व कामगिरी उंचावण्यासाठी करण्यात आलेल्या कार्यवाहीची माहिती दिली.
इतर सर्व विमान कंपन्यांप्रमाणे एयर इंडियालाही कोविड- १९ चा मोठा फटका बसला आणि दुर्देवाने कित्येक ग्राहकांच्या प्रवास योजनांवर त्याचा परिणाम झाला. ग्राहकांच्या अपेक्षा चांगल्या प्रकारे पूर्ण करण्यासाठी उचलण्यात आलेल्या अनेक पावलांपैकी एक आणि खासगीकरणानंतरच्या वारसा समस्यांचे तातडीने निराकरण करण्यासाठी एयर इंडियाने रिफंड्सची थकबाकी पूर्ण करण्यास सर्वोच्च प्राधान्य दिले.
प्रक्रिया आणि यंत्रणा सुधारण्यासाठी तसेच तंत्रज्ञानाचा वापर करून रिफंड केसेसचे वेगाने निराकरण करण्यासाठी विशेषत्वाने प्रयत्न करण्यात आले. आजमितीला एयर इंडियाच्या संकेतस्थळावरील पात्र रिफंड रिक्वेस्ट कंपनीद्वारे केवळ २-३ दिवसांत पूर्ण केली जाते.
बँक किंवा क्रेडिट कार्ड कंपनीद्वारे या प्रक्रियेसाठी लागणारा वेळ कंपनीच्या नियंत्रणाखाली नसल्यामुळे ग्राहकाला त्याचा रिफंड मिळण्यासाठी (तिकिटाच्या विक्रीच्या अटीनुसार लागू होणारे शुल्क वजा करून) आणखी दोन आठवडे वाट पाहावी लागू शकते. ट्रॅव्हल एजंटतर्फे बुकिंग केलेले असल्यास रिफंड त्यांच्याकडेच जमा होतो व त्याने तो प्रवाशापर्यंत वेळेत पोहोचवणे आवश्यक असते.
या घडामोडीविषयी एयर इंडियाचे प्रमुख ग्राहक अनुभव आणि ग्राउंड सर्व्हिसेस अधिकारी श्री. राजेश डोग्रा म्हणाले, ‘एयर इंडियामध्ये ग्राहकाला आमचे सर्वोच्च प्राधान्य असते. प्रक्रिया करण्यात आलेल्या प्रलंबित रिफंड केसेसची विक्रमी संख्या कशाप्रकारे टीम्सनी एकत्र येऊन सर्वसमावेशक आणि प्रभावी पद्धतीने महत्त्वाची समस्या सोडवली याचे उदाहरण म्हणता येईल. कंपनीच्या रुपांतरणाचा एक भाग म्हणून आम्ही आमच्या कामकाजात विशिष्ट आराखडा तयार करणार असून तो जगभरातील आघाडीची विमान कंपनी म्हणून उदयास येण्यासाठी तो अतिशय महत्त्वाचा आहे.’
श्री. डोग्रा पुढे म्हणाले, ‘एयर इंडियाकडे रिफंड प्रलंबित आहे अशांनी आमच्या संकेतस्थळाच्या होमपेजवर www.airindia.in. ओल्ड पेंडिंग रिफंड लिंकवर क्लिक करावे. जुन्या रिफंड केसेससाठी ही लिंक खास तयार करण्यात आली आहे.’
