पुरुष व महिला टेनिस अजिंक्यपद स्पर्धेत समिक्षा श्रॉफ हिला दुहेरी मुकुट

• पुरुष गटात विशाल साळवी याला विजेतेपद

पुणे, 22 फेब्रुवारी : रोहित शिंदे टेनिस अकादमी यांच्या वतीने आयोजित छत्रपती शिवाजी महाराज यांच्या जयंतीनिमित्त पुरुष व महिला टेनिस स्पर्धेत महिला गटात पुण्याच्या समिक्षा श्रॉफ हिने एकेरी व दुहेरी या दोन्ही गटात विजेतेपद मिळवत दुहेरी मुकुट संपादन केला. तर, पुरुष गटात एकेरीत विशाल साळवी याने विजेतेपद पटकावले. 
स्वराज्यरक्षक संभाजी महाराज क्रीडा संकुल, कर्वेनगर येथील टेनिस कोर्ट येथे पार पडलेल्या या स्पर्धेत अंतिम फेरीत सहाव्या मानांकित समिक्षा श्रॉफ हिने इशिता जाधवचा टायब्रेकमध्ये 4-2, 4-3(7-3)असा पराभव करून एकेरीचे विजेतेपद पटकावले. दुहेरीत अंतिम फेरीत समिक्षा श्रॉफ हिने तन्वी तावडे च्या साथीत अश्वगंधा पराडे व सई जगताप यांचा 4-2, 4-2 असा पराभव करून या गटाचे विजेतेपद मिळवले. 16 वर्षीय समिक्षा ही 11वी इयत्तेत आरएमडी सिंहगड स्प्रिंगडेल शाळेत शिकत असून निगडी येथे प्रशिक्षक नंदू रोकडे यांच्या मार्गदर्शनाखाली सराव करते. तिचे हे या वर्षातील दुसरे विजेतेपद आहे. 
पुरुष गटात अंतिम फेरीत  विशाल साळवी याने अंशुल सातवचा टायब्रेकमध्ये 4-3(7-3), 4-1 असा संघर्षपूर्ण पराभव करून विजेतेपदाला गवसणी घातली. दुहेरीत अंतिम फेरीत जय दिक्षित व आरव साने या जोडीने सुजन परब व यश संत यांचा 4-1, 4-1 असा सहज पराभव करून विजेतेपद पटकावले.
स्पर्धेतील विजेत्या खेळाडूंना प्रशस्तीपत्रक व आकर्षक पारितोषिके देण्यात आली. स्पर्धेचे पारितोषिक वितरण उद्योजक अमोल वरखडे व केदार बराटे यांच्या हस्ते करण्यात आले. यावेळी स्पर्धा संचालक रोहित शिंदे, मुख्य प्रशिक्षक दत्तात्रय शिंदे, रोहन शिंदे, आदित्य टक्के, अंकुश कराळे, प्रमोद चौधरी आदी मान्यवर उपस्थित होते.
स्पर्धेचा सविस्तर निकाल: एकेरी गट: महिला गट: अंतिम फेरी:समिक्षा श्रॉफ(6)वि.वि.इशिता जाधव 4-2, 4-3-(7-3);

पुरुष: उपांत्य फेरी:अंशुल सातव वि.वि.ईशान देगमवार 1-4, 4-0, 4-0;
विशाल साळवी वि.वि.साहिल तांबट 4-2, 4-2;
अंतिम फेरी: विशाल साळवी वि.वि.अंशुल सातव 4-3(7-3), 4-1

दुहेरी गट: महिला: उपांत्य फेरी:
समिक्षा श्रॉफ/तन्वी तावडे वि.वि.श्रुती नांजकर/हृता सचदेवा 3-5, 4-1, 10-7;
अश्वगंधा पराडे/सई जगताप वि.वि.अंतरा मोहोळ/अवनी वानखेडे 4-1, 4-1;
अंतिम फेरी: समिक्षा श्रॉफ/तन्वी तावडे वि.वि.अश्वगंधा पराडे/सई जगताप 4-2, 4-2.

पुरुष गट: उपांत्य फेरी:जय दिक्षित/आरव साने वि.वि.काहिर वारीक/सार्थ बनसोडे 6-5(7-5), 6-1;
सुजन परब/यश संत वि.वि.व्यंकटेश आचार्य/नितीन सावंत 6-5(7-4), 6-5(7-2);
अंतिम फेरी: जय दिक्षित/आरव साने वि.वि.सुजन परब/यश संत 4-1, 4-1.